iklan

POLÍTIKA

KFP husu liña ministeriál promove balansu jéneru promosaun kargu xefia

KFP husu liña ministeriál promove balansu jéneru promosaun kargu xefia

Prezidente KFP Agostinho Letencio de Deus. Imajen Tatoli/Egas Cristovão.

DILI, 13 fevereiru 2024 (TATOLI)—Prezidente Komisaun Funsaun Públika (KFP), Agostinho Letêncio de Deus, husu liña ministerial sira atu promove balansu jéneru ba promosaun kargu xefia.

Notísia Relevante: KFP sei halo diagnóstiku ba liña ministériál

KFP hahú kedas hosi mandatu primeiru mai to’o agora ne’e, serbisu direta ho Sekretária Estadu Igualidade, saida mak KFP halo, hanoin iha desiminasaun ne’ebé sempre halo no konvida fó hanoin ba instituisaun sira atu bele toma mós konsiderasaun ba asuntu jéneru iha parte ida-ne’e.

“Iha duni lei dehan hanesan ne’e, se iha karik promosaun ba kargu dirijente xefia tenke konsidera mós asuntu jéneru. Katak, dirijente balun mane maibé tenke konsidera mós feto sira atu promove ba dirijente ba diretór ka xefe departamentu,” Prezidente KFP ne’e hateten ba Agência Tatoli liuhosi programa “Entrevista Eskluziva” iha estúdiu TATOLI, Faról, tersa ne’e.

Dirijerente másimu hosi KFP ne’e espera, liña ministerial sira bele fó mós oportunidade tantu feto no mane iha balansu ba iha kapasitasaun.

KFP halo ne’e kontinua serbisu hamutuk nafatin ho Sekretária Estadu Igualidade (SEI) hodi haree asuntu jéneru iha funsaun públika.

Iha parte ida, Pnia hateten, KFP mós iha organizasaun ida-ne’e jestaun rekursu umanu iha liña ministerial sira-nian, KFP kontinua fó hanoin ba sira atu iha desizaun sira-ne’ebé ho forsa traballu rekursu umanu sempre tau konsiderasaun ba asuntu jéneru.

Nia seidauk bele fó sai númeru feto hira mak daudaun ne’e okupa kuota ba kargu xefia iha funsaun públika, tanba daudaun ne’e iha hela prosesu nomeasaun, nune’e KFP seidauk iha dadus loloos kona-ba kuota feto no mane hira.

“Maibé saida mak ita bele haree, ho ezemplu kiik, ita ko’alia kona-ba autoridade munisipál sira, ne’e ita bele haree ona iha promosaun balansu jéneru ne’e hahú ona konsidera iha ne’e,” nia hateten.

Aleinde ne’e, Prezidente KFP ne’e mós rekoñese númeru ema ho defisiénsia sei menus iha administrasaun públika ba oin sei haree mós kestaun ne’e.

Jornalista : Nelson de Sousa

Editór      : Cancio Ximenes

 

iklan
iklan

Leave a Reply

iklan
error: Content is protected !!