iklan

NASIONÁL, SAÚDE

MS rejista pasiente na’in-rua mate ho moras dengue iha fevereiru ne’e

MS rejista pasiente na’in-rua mate ho moras dengue iha fevereiru ne’e

Susuk aedes aegypti. Imajen Tatoli/Francisco Sony

DILI, 23 fevereiru 2024 (TATOLI)–Ministériu Saúde liuhosi Institutu Nasionál Saúde Públika Timor-Leste (INSP-TL) rejista kazu ema mate ho moras dengue hamutuk na’in-rua (2) iha fulan fevereiru ne’e.

Notísia Relevante: Ministériu Saúde rejista kazu dengue iha territóriu nasionál hamutuk 227

“Vítima ba moras dengue ema ho idade labarik feto tinan tolu hosi Bobonaro no joven mane ida ho idade 22 hosi Ainaro,” Diretór INSP-TL, Filipe de Nery Machado, hateten ba Agência Tatoli liuhosi WhatsApp, sesta ne’e.

Diretór ne’e hateten MS rejista total 271 kazu denge hahu hosi janeiru iha munisípiu sia (9) hanesan Ainaro iha neen (6), Baucau 57, Bobonaru 67, Dili 97, Lautém hitu (7), Liquiça 18, Mantuto hitu (7), Manufahi sia (9).

Dadus gráfiku INSP-TL hatudu katak to’o agora munisípiu sira hanesan Aileu, Covalima, Ermera no Rejiaun Administrativa Espesial Oé-Cusse Ambeno kontinua kazu zero ba moras dengue.

Filipe de Nery Machadu hateten kazu denge ne’ebé rejista tuir dadus gráfiku INSP-TL mak munisípiu Díli, no iha fulan ida-ne’e INSP-TL la rejista kazu foun ma moras Chikungunya no Zika.

Notísia Relevante: MS rejista kazu dengue 147 no Chikungunya 195

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!