DILI, 07 marsu 2024 (TATOLI)—Ministériu Agrikultura, Peska, Pekuária no Floresta (MAPPF), prevee ona orsamentu millaun $5-resin hodi konstrui irrigasaun tolu iha Baucau, Bobonaro no Viqueque iha tinan ne’e.
Notísia Relevante: Dezeñu ba irrigasaun Irabere submete ona ba KM hodi hein aprovasaun
“Iha tinan ida-ne’e ita iha ona orsamentu atu halo irrigasaun boot tolu ho orsamentu millaun $5-resin,” Ministru Marcos da Crus, informa ba jornalista sira iha Parlamentu Nasionál, kinta ne’e.
Irrigasaun tolu ne’e mak hanesan irrigasaun Maliana II no irrigasaun ida iha aldeia Watu-Ua iha Suku Gariuai, munisípiu Baucau ho irrigasaun Irabere iha suku Irabin de Cima iha postu administrative Watucarabau, munisípiu Viqueque.
Ministériu daudaun ne’e halo hela prosesu loke konkursu no kompañia sira bele konkorre hodi bele hala’o obra refere.
Nune’e, nia espera bele iha tinan hirak mai bele fornese bee ba povu agrikultór nia natar hodi aumenta produsaun iha rai-laran.
Notísia Relevante: MAPPF tau prioridade konstrusaun irrigasaun boot tolu iha tinan 2024
Jornalista : Nelson de Sousa
Editór : Cancio Ximenes
