iklan

NASIONÁL, SAÚDE

OMS apela populasaun TL kombate obesidade liuhosi estilu moris saudável

OMS apela populasaun TL kombate obesidade liuhosi estilu moris saudável

Reprezentante Organizasaun Mundiál Saúde (OMS) iha Timor-Leste, Arvind Mathur. Imajen Tatoli/Francisco Sony.

DILI, 15 marsu 2024 (TATOLI)– Representante Organizasaun Mundial Saúde (OMS) iha Timor-Leste, Arvind Mathur, apela ba populasaun iha Timor-Leste atu prevene obesidade liuhosi estilu moris ne’ebé saudável.

Nia hateten, presiza halo adaptasaun antes kedas tanba obesidade iha ligasaun ho estilu moris saudável, nune’e presiza promove estilu moris saudável hahú sedu kedas hanesan liuhosi atividade halo ezersísiu no konsume hahan ne’ebé saudável.

“Tuir indeks ne’ebé iha kona-ba obesidade haktuir katak bainhira Timor-Leste la esforsu atu prevene obesidade, mak to´o iha 2035, maizumenus ida-ne´e metade hosi populasaun Timor-Leste. Nune’e, kestaun ida-ne’e sai problema ba Timor-Leste,” Representante Organizasaun Mundial Saúde (OMS) hateten bajornalista sira iha nia kna’ar fatin, Caicoli, kinta ne’e.

Nia hateten, se ida-ne’e mak akontese mak sei fó impaktu boot ba Saúde Públiku iha Timor-Leste, tanba obesidade bele hamosu moras lahadaet hanesan kankru, ipertensaun, diabetes, knakru no seluk-seluk tan.

“Obesidade sai obstakulu boot ba nasaun. Bainhira ema ida afetatu obesidade no mós hadaet moras ne’e sei halo tratamentu ida-ne´ebé presiza kustu boot tanba sei transfere pasiente ba halo tratamentu saúde iha rai-li´ur, ne´ebé sei afeta ba sistema saúde nian,” nia dehan.

Nia hatutan, hahan saudável atu evita obesidade hanesan aifuan, modo-tahan, tomate, manu-tolun, ikan, no hemu bee barak. Obesidade ne’e kauza hosi hahan sira hanesan masin-midar, mina, karboidrat no falta ativididade fízika.

Reprezentante OMS husu ema hotu atu promove susu-b4en inan hodi fó susu-been inan nian ba bebé sira importante loos, tanba susu-been inan bele ajuda bebé sira-nia nutrisaun no ajuda hamenus obesidade ba labarik, bainhira boot tuir rekomendasaun profisionál saúde nian.

Tuir Food and Nutrition survey iha 2020 hatudu katak 19.3% feto liu todan no iha obesidade no 1.2% hosi labarik hetan obesidade.

Ministériu Saúde relata dadus katak labraik ho problema mánutrisaun kontinua eziste ho stunting 47,1%, todan 53%, krekas 8,6%, anemia 63,2% no labarik la asesu ba saneamentu báziku 46%.

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!