iklan

EKONOMIA, MUNISÍPIU, VIQUEQUE

Laiha morru protensaun, mota Irabere sobu natar ektare 26 iha Uatucarbau

Laiha morru protensaun, mota Irabere sobu natar ektare 26 iha Uatucarbau

Mota Irabere sobu natar área Kainunu-Uatucarbau ho ektare 26 . Imajen Tatoli/Vitorino Lopes da Costa

VIQUEQUE,02 abríl  2024 (TATOLI)-Xefe suku Irabin de Baixo, José Baptista do Carmo, informa, laiha morru protesaun iha mota Irabere, afeta bee sobu natar ektare 26 iha área, suku Irabin de Baixo, postu Uatucarbau, munisípiu Viqueque

“Mota Irabere daudaun bee nakonu no sulin ba natar área Kainunu hodi sobu abitante sira-nia natar kuaze ektare 26 no  sei kontinua fó ameasa ba ektare 57 tanba laiha moru protesaun,” Xefe suku ne’e hatete ba Agência TATOLI,I.P, tersa ne’e.

Autoridade lokál ne’e prefere ba Ministériu relevante inklui IGADE,I.P atuhalo normaliza no hasai sedimentasaun iha mota referidu hodi  labele estraga agrikultór sira-nia natar.

“Tanab ita hatene katak povu agrikultór sira-nia moris fatin maka natar no toos hodi sustenta ba sira-nia nesesidade ba uma laran, maibé sira natar mota estraga tiha uza saida maka bele sustenta ba sira-nia moris. Tanba ne’e ha’u husu ba Ministériu relevante sira se bele  tulun povu agrikultór Uatucarbau liuhosi halo normalizasaun emerjénsia ba  mota hodi bee hala’i fila fali tuir nian dalan antiga”, nia hato’o.

Tuir nia: “Se la halo normalizasaun ba mota,  ha’u hanoin iha tinan ida-ne’e ita-nia agrikultór sira labele  halo natar”.

Antes ne’e  distánsia  mota dook   husi natar  iha área  kainunu,   Watamata Agadiru Sorloy Wa’aka, Kumbere karik, maibé   impaktu husi  udan bo’ot maka afeta ba natar  purvolta  ektare 83 husi númeru  ne’e natar ektare 26 mak mota sobu ona no hela ektare 57.  Enkuantu natar sira-ne’e fó benifísia ba abitante sira husi suku Irabin de Baixo ho totál uma-kain hamutuk  74.

Notísia relevante: Laiha morru protesaun, mota bebui estraga natar ektare 20 iha Uatulari

Jornalista : Vitorino Lopes da Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!