DILI, 30 abríl 2024 (TATOLI)- Membru Parlamentu Nasionál (PN), liuhusi Deputada bankada PLP, Maria Angelina Sarmento, husu ministériu relevante atu aselera prosesu rekrutamentu ba funsionáriu iha Autoridade Inspesaun Fiskalizasaun Ekónomia no Sanitária Institutu Públiku (AEFAESA, I.P) hodi halo kontrola sasán liu prazu iha estabelesimentu komersiál.
Notísia relevante:https://tatoli.tl/2024/04/17/rekrutamentu-funsionariu-aifaesa-hein-inspetor-jeral-foun/
‘’Laiha funsionáriu ida ne’e problema, tanba produtu liu prazu kontinua fa’an iha estabelesimentu komersiál, no povu iha direitu atu konsumu produtu saudável,” Nia levanta liuhusi reuniaun plenária Parlamentu, tersa ne’e.
Tanba ne’e, tuir membru órgaun lejislativa ne’e, importante tebes responsabilidade instituisaun AIFAESA nian hodi halo inspesaun ba sasán iha estabelesimentu komersiál sira hodi garante saúde públiku ba sidadaun se lae impaktu saúde ba ema nian bainhira laiha kontrolu.
Deputada CNRT, Aliança da Conceição, mós husu AIFAESA, I.P atu kontrola produtu iha loza no supermerkadu sira inklui sasán liu prázu tanba fó risku ba konsumidór sira-nia saúde.
Jornalista: Nelson de Sousa
Editór: Cancio Ximenes
