Deputadu KHUNTO husu Governu harii tan merkadu foun iha Dili
DILI, 21 maiu 2024 (TATOLI)—Deputadu Kmanek Haburas Unidade Nasionál Timor-Oan (KHUNTO) iha Parlamentu Nasionál (PN), husu Governu atu harii tan merkadu foun iha Dili, tanba merkadu Taibesi no Manleuana labele akumula negosiante sira.
Notísia Relevante: MCI iha tinan-ne’e halo manutensaun ba Merkadu Taibesi no Manleuana
“Nune’e, Govemu presiza harii tan merkadu foun, ho kondisaun di’ak, atu nue’e-fa’an na’in sira bele fa’an sira-nia sasán iha fatin disponibilizadu,” nia hato’o iha reuniaun plenária Parlamentu, tersa ne’e.
Atu nune’e, nia dehan, negosiante sira-ne’e labele fila ba fa’an iha fatin públiku, hanesan ema barak tau hela matan, fa’an-na’in sira fa’an sira-nia produtu lokál iha dalan ninin.
Fekuentemente, tuir nia, hanesan negosiante faan sasán iha kruzamentu Elemloi, nune’e mós iha kruzamentu rotunda Prezidente Nicolao Loubato iha Comoro nomos iha mós fatin públiku seluk ne´ebé sai fatin faan sasán ba negosiante sira.
Hanesan reprezentante povu, nia husu autoridade munisípiu Dili fó atensaun ba populasaun ne’ebé fa’an iha fatin públiku, esforsa aan hodi hetan osan atu sustenta vida, kria fatin di’ak ida, nune’e fa’an-na’in sira fa’an ho forma ne’ebé moos no ijéne.
Jornalista : Nelson de Sousa
Editór : Cancio Ximenes
