iklan

EDUKASAUN, HEADLINE, LIQUIÇÁ

Servisu Edukasaun Liquiçá koloka ona profesór foun 13 ba ensinu báziku hitu

Servisu Edukasaun Liquiçá koloka ona profesór foun 13 ba ensinu báziku hitu

Mapa munisípiu Liquiçá. Infografia/Octávio de J.Guterres

DILI, 22 maiu 2024 (TATOLI)-Servisu Edukasaun Munisípiu Liquiçá koloka ona profesór foun hamutuk 13 ba ensinu báziku hitu.

“Profesór foun koloka ona horiseik (21/05) no sira mai aprezenta iha edukasaun munisípiu tuir despaisu ba ensinu báziku de’it. Ba pre-eskolár hein despaisu hosi nasionál,” Diretór Edukasaun Munisípiu Liquiçá, Júlio da Silva, hateten ba Agência Tatoli, via telefónika, kuarta ne’e.

Eskola hitu ne’ebé hetan kolokasaun profesór mak hanesan Ensinu Báziku Filiál (EBF) 1,2 Maumeta, EBF 1,2 Lebutatlelo, EBF 1,2 Laclolema, EBF 1,2 Leotela, EBF 1,2,3, Leorema, Ensinu Báziku (EBC) 3 Leorema.

Notísia relevante : Servisu Edukasaun Viqueque koloka profesór 41 ba eskola 16  

Husi eskola hitu ne’e, eskola balun hetan ema ida, balun hetan rua, balun tolu no balun hetan na’in-lima.

“Ita koloka ba eskola ne’ebé presiza no menus profesór iha saladeaula. Ida-ne’e seidauk sufisente, ita presiza tan maibé hein faze daruak nian mai mak kompleta tan,” nia akresenta.

Tanba ne’e, nia husu ba Ministériu Edukasaun bainhira halo teste faze daruak presiza tetu munisípiu sira-nia pedidu hodi halo kolokasaun profesór tuir nesesidade.

Jornalista     : Osória Marques

Editora          : Julia Chatarina

iklan
iklan

Leave a Reply

iklan
error: Content is protected !!