DILI, 19 juñu 2024 (TATOLI)–Diretór Servisu Apoiu Diagnostiku no Terapeutika iha Ospitál Nasionál Guido Valadares (HNGV), Vidal de Jesus Lopes, hateten iha 17 juñu ne’e Ministériu Saúde koloka ona espesialista na’in-neen (6) iha Hospitál Referénsia Eduardo Ximenes (HoREX, sigla postugés) Baucau hodi redús transferénsia pasiente mai iha HNGV.
Nia hateten. HNGV hanesan ospital nasionál top referensia tanba simu pasiente sira hosi ospital referral sira hotu no tanba númeru transferensia pasiente barak loos hosi ospital referensia sira, entaun Ministériu Saúde liuhosi HNGV aloka espesialista sira iha ne’ebá.
“Espesialista sira hamutuk na’in-neen ne’ebé neste momentu sira halo servisu iha ne’ebá. Iha ne’ebá sira halo operasaun ba mii-fatin no ibun-sakat sira,” Diretór Servisu Apoiu Diagnostiku no Terapeutika iha Ospitál Nasionál Guido Valadares (HNGV) ne’e hateten ba jornalista sira liuhosi konferensia imprensa, iha Kampung Alor.
Nia esplika, espesialista sira-ne’e mós balun halo halo no leno ka USG kabun pasiente sira-nian, tanba pasiente sira balun hein to’o semana, tanba ema barak.
Nia reforsa, USG tenke iha Baucau, ida ne’e mak proposta solusaun, enkuantu hein hela konstrusaun pediatirika ba kurtu no longu prazu.
Jornalista : Jesuína Xavier
Editór : Cancio Ximenes
