iklan

JUSTISA

Governu sei estabelese Tribunál Primeira Instánsia iha Bobonaro-Viqueque-Ermera

Governu sei estabelese Tribunál Primeira Instánsia iha Bobonaro-Viqueque-Ermera

Koordenadora ba Grupu Traballu Reforma Justica,Lúcia Lobato. Imajen Tatoli/Egas Cristóvão

DILI, 21 juñu 2024 (TATOLI)–Koordenadora ba Grupu Traballu Reforma Justisa, Lucia Lobato, hateten iha rekomendasaun no roteiru ne’ebé grupu hato’o sei guia Governu atu implementa loloos reforma justisa.

Notísia Relevante: Governu sei submete lejislasaun kona-ba reforma justisa ba PN atu diskute

Iha aspeitu importante liuliu infraestutura nian ne’e presiza tau atensaun no Governu iha ona planu atu estabelese tan Tribunál Primeira Instánsia iha munisípiu tolu hanesan Bobonaro, Viqueque no Ermera.

Progresu serbisu grupu nian mak hanesan faze serbisu dahuluk ramata ho finalizasaun rekomendasaun ho roteiru ida-ne’ebé mak guia Governu atu implementa loloos reforma justisa.

“Aspeitu importante ida seluk mak infraestrutura. Ita hatene katak, Governu iha planu atu loke tan tribunál iha munisípiu tolu, tanba ita iha tribunál primeira instánsia haat ne’e ida iha Dili no tolu fora husi Dili maibé tolu ne’e mós dook husi ita-nia populasaun sira. Dalaruma ita-nia povu husi fatin ida atu ba to’o tribunál ida dook tebes no to’o ba dalaruma julgamentu adia no dalaruma hodi sasin susar. Entaun, tuir planu Governu nian iha planu aponta mós iha roteiru ne’e katak, molok mandatu Governu nian ramata tribunál tolu ne’e tenke hamrik tan mak ida iha Maliana, Viqueque no Ermera,” Nia hateten ba jornalista sira hafoin ramata enkontru ho Prezidente Parlamentu Nasionál ho bankada Parlamentár hodi relata serbisu ekipa nian, iha sala konferénsia Parlamentu, sesta ne’e.

Atu loké tan tribunál sira-ne’e, nia hateten, Governu tenke prepara fatin atu serbisu no daudaun ne’e rekruta ona profisonál iha área ida-ne’e.

Nia hateten, ida-ne’e prosesu ida no Governu labele halo buat hotu-hotu iha tinan haat (4) nia laran de’it maibé sei lori tempu.

Tanba ne’e, Governu sei serbisu hamutuk ho seriedade no Parlamentu Nasionál bele aprova lei sira tuir tempu ne’ebé ekipa sei diskute hanoin sira-ne’e no molok Governu nia mandatu ramata ne’e, tribunal tolu ne’e estabelese ona.

Notísia Relevante: PM Xanana husu Grupu Traballu Reforma Justisa prodús rekomendasaun konkreta

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!