DILI, 11 jullu 2024 (TATOLI)—Segundu Vise ba Jestaun Merkadu Manleuana, Elvino Mario dos Santos, hateten Governu aloka ona osan rihun $20 hodi reabilita merakdu Taibesi no Manleuana,
“Governu aloka osan ne’e hodi hadi’a kondisaun merkadu Manleuana ho Taibesi. Nune’e, ita fahe osan rihun $10 ba kadi’a merakdu Manleuana no rihun $10 ba hadi’a merkadu Taibesi,” Segundu Vise ba Jestaun Merkadu Manleuana, Elvino Mario dos Santos, ba Tatoli, iha Manleuana.
Iha merkadu Manleuana, nia dehan,s ei hadi’a toilet unidade tolu (3) no husi tolu ne’e ida agora prontu ona hodi vendedór sira utiliza no rua (2) seluk sei iha prosesu reabilitasaun.
Reabilitasaun iha merkadu ne’ebá mós ba armajen naan no ikan nian nian ida (1) no iha fatin unidade ida ba vendedor sira atu faan sira-nia produtu lokál sira-ne’e.
“Ami hatama proposta ba iha Governu hodi hadi’a toilet, fatin faan ikan no naan hodi vendedór sira bele uza,” nia dehan.
Nia garante, reabilitasaun toilet iha merkadu Manleuana ne’e agora komesa di’ak ona maibé vendedór sira mak halo aat, entaun agora tenke hadi’a foun fila-fali. Nune’e mós, fatin ba faan naan no ikan ne’e reabilita dadaun no sei funsiona iha inisiu agostu 2024 ne’e.
Jornalista : Jesuína Xavier
Editór : Cancio Ximenes
