DILI, 25 jullu 2024 (TATOLI)—Konsensaun eskolár ba Ensinu Sekundáriu Jerál no Ensinu Tékniku Vokasionál iha faze foti konta bankária iha Banku Nasionál Komérsiu Timor-Leste (BNCTL, sigla portugés).
“Depois sira manda fali mai ami hodi ami atribui osan ba eskola,” Diretór Nasionál Ensinu Sekundáriu Jerál iha Ministériu Edukasaun (ME), Benjamin Fernandes, hateten ba Agência Tatoli, iha ninia knaar fatin, Vila Verde, Dili kinta ne’e.
Notísia relevante : Ministériu Finansa prosesa ona konsensaun eskolár
Nune’e, parte Diresaun Nasionál husu atu aselera prosesu ne’e hodi bele konklui lalais osan konsensaun eskolár.
“Diresaun husu ba dirijente eskolár sira hotu atu aselera foti konta bankária iha kada munisípiu hodi envia mai diresaun nune’e bele prosesa hodi halo transferénsia subsídiu konsensaun eskolár,” nia akresenta.
Totál estudante sekundáriu tinan 2024 nian hamutuk 45.298, kompostu husi feto 22.106 no mane 23.192, enkuantu estudante sekundáriu tékniku vokasionál hamutuk 8.000, kompostu husi feto 3.376 no mane 4.624.
Jornalista : Osória Marques
Editora : Julia Chatarina
