Governu halo intervensaun merkadu foos iha Munisípiu Liquiça

DILI, 15 agostu 2024 (TATOLI)—Prezidente Sentru Lojístika Nasionál (CLN), Antonio de Araujo Soares, informa, aban, Governu halo intervensaun merkadu ba foos iha Munisípiu Liquiça.
“Horseik ami halo ona intervensaun foos tonelada 50 ba iha Munisípiu Viqueque no aban ita kontinua halo intervensaun ba iha munisípiu Liquiça,” Antonio de Araujo Soares ba TATOLI via telefónika, ohin.
Prezidente CLN informa tan katak bainhira halo intervensaun iha Liquiça ramata ekipa sira prepara ba iha Munisípiu Aileu no Manatuto.
“Ita remata tiha Liquiça ita kontinua halo intervensaun ba iha munisípiu Aileu depois ba tan Manatuto depende ba lista sira ne’ebé mak Autoridade sira submete mai,” nia afirma.
Autoridade másima CLN ne’e esplika, Munisípiu Baucau ho Dili sei halo intervensaun ikus tanba populasaun barak tanba ne’e Governu nafatin hein lista sira ne’ebé mak autoridade sira submete.
Entertantu, Munisípiu ne’ebé Goveernu halo intervensaun merkadu ona mak RAEOA, Ermera Dili-Atauro, Lautem, Manufahi, Covalima, no Viqueuque.
Notísia relevante:Governu hala’o intervensaun merkadu ho foos saku 2.000 iha Viqueque
Jornalista : Felicidade Ximenes
Editór: Rafael Ximenes de A. Belo

