DILI, 09 setembru 2024 (TATOLI) –Bandeira Vaticano nian, adota iha loron 7 fulan-juñu tinan 1929, simboliza soberania Sidade Vaticano nian no ninia papél nu’udar sentru Igreja Katólika nian. Bandeira ne’e iha kór rua vertikál kinur no mutin, ho eskudu ne’ebé tau iha sorin mutin. Emblema ida-ne’e inklui tiara papal no xave kruzadu rua: ida osan-mean no ida osan-mutin, ne’ebé reprezenta xave sira Reinu Lalehan nian ne’ebé fó ba São Pedro husi Jezús, hanesan refere iha Mateus 16:19. Xave osan-mean simboliza kbiit espirituál, enkuantu xave osan-mutin reprezenta kbiit mundu nian, no sira liga ho tali mean, ne’ebé indika ligasaun entre kbiit rua ne’e. (https://www.catholiccompany.com/getfed/what-do-the-parts-of-the-vatican-flag-symbolize/)
Hili kór sira—kinur no mutin—iha interpretasaun oioin. Esplikasaun ida liga mean ba xave osan-mean no mutin ba xave osan-mutin, aliña ho tradisaun heráldika sira iha ne’ebé mean hanesan ho osan-mean no mutin ho osan-mutin. Istórikamente, dezeñu bandeira nian modela tuir bandeira papál sira uluk nian, ne’ebé maka barak liu kór mean no osan-mean molok tranzita ba kór atuál sira iha inísiu sékulu XIX (https://www.vaticancitytours.it/blog/the-flag-of-the-vatican-city/)
Jeralmente, bandeira Vaticano serve la’ós de’it hanesan símbolu nasionál maibé mós hanesan reprezentasaun ida husi fiar Katólika, ne’ebé dalabarak hatudu iha igreja sira no instituisaun sira iha mundu tomak (https://www.flaginstitute.org/wp/flag-facts/flag-of-the-vatican-city/)
Razaun hili kinur no mutin espesifikamente ba bandeira Vaticano nian
Kór kinur no mutin hosi bandeira Vatikanu nian estabelese ofisialmente husi Papa Pio VII iha tinan-1808 durante períodu tumultuozu ida-ne’ebé marka hosi okupasaun napoleónika husi Roma. Iha inísiu, soldadu sira Vatikanu nian uza kór-mean no mean, maibé atu distinge ninia forsa leál sira hosi sira ne’ebé iha komandu fransés nia okos, Pio VII haruka muda ba kór-mean no mutin. Desizaun ida-ne’e halo atu hametin forsa papal sira nia identidade no atu signifika sira nia lealdade ba Amu-Papa iha movimentu polítiku nia leet.
Kinur (Osan-Mean)
Autoridade Divina: Mean simboliza xave osan-mean Saun Pedro nian, ne’ebé reprezenta autoridade espirituál ne’ebé fó hosi Kristu. Xave ida-ne’e signifika Papadu nia kbiit no Kreda nia knaar hodi orienta sarani sira ba salvasaun.
Naroman Lalehan nian: Kór-kinur mós asosiadu ho naroman lalehan nian no Maromak nia glória, ne’ebé reflete majestade divina no natureza sagradu Igreja nian. Nia evoka rikeza no realeza Maromak nia reinu nian, reprezenta Kreda nia ligasaun ba autoridade divina no sagradu.
Mutin
Pureza no Inosénsia: Mutin simboliza pureza, dame, no inosénsia fiar nian. Dala barak liga ba Kristu no Virjen Maria nia sala-laek, ne’ebé enkarna ideál sira santidade no redensaun nian iha Kreda laran (https://www.terrasanctamuseum.org/en/green-white-red-black-how-to-understand-the-colours-of-the-catholic-christian-liturgy/)
Signifikadu Litúrjiku: Iha kalendáriu litúrjiku, kór-mutin uza durante selebrasaun boot sira hanesan Natál no Páskua, hodi simboliza ksolok no Kristu nia moris-hi’as. Ida-ne’e hato’o mensajen ida esperansa no renovasaun nian, ne’ebé reflete prinsípiu sentrál sira fiar Katólika nian (https://matthewfloristandmonuments.com/catholic-liturgical-colors/)
Hamutuk, kór sira-ne’e la’ós de’it reprezenta xave sira Reinu Lalehan nian maibé mós enkapsula Igreja nia misaun atu promove pureza, autoridade divina, no esperansa salvasaun nian. Uza kór mean no mutin iha bandeira Vaticano nian no iha prátika litúrjika Katólika sira subliña sira nia signifikadu ne’ebé dura hodi espresa valór no fiar sentrál sira fiar nian.
“Brasão de Armas” ka Eskudu Vatikanu nian
Eskudu Vatikanu nian kompostu hosi kampu mean ida ho xave kruzadu rua, ida hosi osan-mean no ida husi osan-mutin, kesi metin iha anel sira ho tali mean ida. Iha xave sira-nia leten iha tiara papal osan-mean ida ho koroa tolu.
Xave osan-mean no osan-mutin simboliza xave reinu lalehan nian ne’ebé Jezús Kristu fó ba Saun Pedro, tuir Evanjellu Mateus nian. Osan-mean reprezenta kbiit Reinu Lalehan nian, enkuantu osan-mutin reprezenta autoridade espirituál Papadu nian. Xave sira ne’e hamutuk ho cingulum mean ida, ne’ebé simboliza ligasaun entre kbiit rua ne’e.
Tiara papal iha xave sira nia leten maka símbolu autoridade espirituál no mós temporál Amu-Papa nian, ne’ebé reprezenta nia lideransa ba Igreja Katólika no nia ukun iha Sidade Vatikanu nu’udar estadu soberanu.
Eskudu Vatikanu nian uza iha reprezentasaun ofisiál oioin, inklui bandeira Vaticano nian, ne’ebé kompostu hosi banda vertikál rua mean no mutin ho eskudu ne’ebé sentradu iha banda mutin. Ida-ne’e mós uza iha selo sira, osan-besi sira no símbolu ofisiál sira seluk hosi Estadu Sidade Vatikanu nian (https://peregrinabrasil.com.br/por-tras-dos-simbolos-bandeira-do-vaticano/
Entretantu, tuir observasaun Agência TATOLI iha terrenu nota katak alende Bandeira Vaticano, sarani sira – otas oioin, kaer mós Bandeira RDTL, hodi hein prezensa sua santidade Papa Francisco iha Timor-Leste.
TATOLI
