Timor-Leste-Macau selebra akordu espansaun sidade entre Dili-Macau
DILI, 01 outubru 2024 (TATOLI)–Ministru Administrasaun Estatál (MAE), Tomás do Rosário Cabral ho Xefe Ezekutivu Macau, Ho Ita Seng, selebra akordu kona-ba “Jeminasaun (espansaun) sidade entre Rejiaun Administrativu Espesiál Macau Repúblika Popular Xina ho Sidade Dili Repúblika Timor-Leste”.
Xefe Ezekutivu Macau, Ho Ita Seng, hateten nasaun rua iha pontu Rota Marítima da Seda ne’ebé parte rua bele kaer metin hamutuk ba iha oportunidade ba dezenvolvimentu liuhusi inisitiva sira “Faixa ida, Rota ida”, hakle’an ba kooperasaun ho benefísiu hanesan no konstrui hamutuk ba futuru ida di’ak-liu.
Nia dehan, estabelsimentu relasaun dipolamtaka entre Xina no Timor-Leste tinan 22, nasaun rua dezenvolve di’ak no kooperasaun pragmatika no iha rezultadu di’ak, sai respeitu mutua, koezisténsia pasífika no iha dezenvolvimetnu komun nasaun rua nian.
“Amizade entre Macau no Timor-este ne’e iha tempu naruk no eziste kontaktu frekuente iha nivel ekonomia no komérsiu, kultura entre populasaun. Nasaun rua ne’e mantein interkambiu estreitu no instituisaun ekonómika no kemrsiál Timor-Leste nian partisipa iha konvensaun no expozisaun oioin ho marka Makau. Iha 2019, espesialista Macau nian dezloka ba Timor-Leste atu dezenvolver projetu kooperasaun iha área saúde no iha abril 2024, Autoridae Monetária Macau nian no Banku Sentrál Timor-Leste asinaran akordu foun kpoeprasaun nian,” Xefe Ezekutivu Macau, Ho Ita Seng, relata iha komunikadu ne’ebé Agência Tatoli asesu, tersa ne’e.
Nasaun rua selebra akordu jeminasaun sidade atu konsolida no reforsa relasaun amizade, aproveita oportunidade atu kontinua alarga kooperasaun iha área ekonomia no komérsiu, turizmu, kultura no interkamibiu entre povu rai rua ne’e nian.
Ida-ne’e sei dezenvolve plenamente nia papel “Plataforma servisu kooperasaun komersiál ho nasaun sira dalen portugés”, no reforsa interkambiu ho Timor-Leste liuhusi Forum Macau no fó benvindu ba Timor-Leste liuhusi Forum Makau ba dezenvolvimentu no konstrusaun Makau nian no zona Kooperasaun ne’ebé aprofunda entre Guandong no Macau iha Hengqin no alargamentu kooperasaun Jo Grande Baia Guangdong-Hong Kong-Macau.
Iha komunikadu ne’e, Ministru Administrasaun Estatál (MAE), Tomás do Rosário Cabral, hateten hein katak parséria nasaun rua ba sidade rua ne’e empreza, komunidade sai parseria duradoura ba bein komun, relasaun ida madura no konsolida, maibé liu ida ne’ebé oferese no se mak benefisiu ba ida ne’e.
“Jeminasaun reprezenta loloos ino ba dame no kontribui presiozu ba defeza valór sira Azia nian, liuliu valór istoriku no kultura pasadu, prezente no futuru. Hanesan funu, inserteza no inamizade iha nasaun sira balun no balun luta ba poder inteerese provadu no individu no grupu iha globu ne’e. Jeminasaun sidade rua ne’e sai prova di’ak ema hotu benefisia, bainhira ita prioriza atu hamutuk invés hadook malu,” Ministru Administrasaun Estatál (MAE), Tomás do Rosário Cabral, hateten.
Tomás do Rosário Cabral hateten, lasu jeminasaun sidade rua husi jeografia distinta, dekore ezisténsia karáteristika hanesan ka pontu referénsia istorika komun, fuan husi rikeza kultura no buka kria relasaun amizade, solidariedade no interkambiu, estabelese mekanizmku protokolár, esensialmente ba nivel ekonomia no kulturál.
Nia dehan, futuru mak foinsa’e sira iha kontestu ne’ebé parte rua dezenvolve parséria diresiona ba setór edukasaun, kultura no juventude. Entuziasmu no determinasaun maior, parte rua bele envolve foinsa’e sira no garante futuru ba parséria ne’e, ida-n’e di’ak-liu no sei fó benefisiu ba sidade rua.
Serimonia asina memorandu entendimentu ne’e hala’o iha sede Governu RAEM ne’ebé partisipa husi membru Governu Macau no delegasaun Ministériu Administrasaun Estatál.
Jornalista : Jesuína Xavier
Editór : Cancio Ximenes
