COVALIMA, 29 Outubru 2024 (TATOLI) – Diretór Ezekutivu Domingos Lemos, informa Ospitál Referénsia Suai, falta ai-moruk item 44 hanesan tipu ai-moruk vitál, esensiál no la’ós esensiál.
“Tuir lista ne’ebé ha’u simu iha loron 14 to’o 18 outubru ne’e ita-nia ai-moruk item 44 ho porsentu 11 la iha farmásia hanesan ai-moruk vitál, esensiál no la’ós esensiál,” Domingos Lemos relata, iha ospitál Suai Debos, ohin.
Ai-moruk tipu 44 ne’ebé “stock out” mak hanesan vitál item 14 ne’ebé importante atu uza ba pasiente ne’ebé moras grave, esensiál item 19 no la’os esensiál iha item 10.
Nune’e ho problema falta ai-moruk hanesan dirijente ospitál halo ona komunikasaun ba rejionál buka meiu atu bele transporta lalais ai-moruk vitál nune’e bele atende pasiente sira ne’ebé konsulta iha ospitál referénsia.
Prosesu hato’o pedidu hodi husu ai-moruk mak hanesan ho pedidu normal ho nia prosesu depende sctok ai-moruk durante no prosesu pedidu emerjénsia la to’o fulan bainhira iha stock presiza transporta kedan, mai ospitál Suai.
Lista ai-moruk stock out mak hanesan, Adenosine injection solution, Beclomethasone Inhalation (aerosol), Betamethasone Cream, Benzoic acid + Salicylic Acid Ointment, Benzoyl peroxide Lotion, Benzyl benzoate Lotion, Benzylpenicillin injection, Boric acid Spirit 2% ear Solution, Bromhexine cough syrup, Calcium Chloride injection, Cefixime, Cefotaxime powder for injection.
Tipu ai-moruk Chloramphenicol 1%,5g, eye or ear ointment, Clindamycin phosphate Injection, Clotrimazole Vaginal tablet (or pessary with applicator), Cloxacillin Powder for oral solution, Cloxacillin kap, Codeine phosphate Scored Tablet, Diazepam tab, Diclofenac injection, Ephedrine injection, Epinephrine/adrenaline injection, Ergotamine tartrate + caffeine tablet, Glipalamide, Hydrocortisone Cream, Hydralazine hydrochloride Tablet, Isosorbide tablet
Aleinde ne’e ai-moruk, Levothyroxine sodium Tablet, Nalidixic acid Tablet, scored, Omeprazole injection, Permethrin lotion, Promethazine hydrochloride Oral liquid, Promethazine, Salbutamol inhaler, Salbutamol sulfate injection, Sodium bicarbonate solution in, Sodium bicarbonate with glycerin 5%, ear drops, Spironolactone tab 25 mg, Streptokinase inj, Thiopental sodium powder for injection, Vitamin A, Vitamin B12 injection, Sevoflurane injeksi 250 ml, Isoflurane injeksi 250 ml.
Jornalista: Celestina Teles
Editór: Rafael Ximenes de A. Belo
