iklan

EKONOMIA, KOVALIMA

Agrikultura Covalima menus hasa’e produsaun hare-kulit

Agrikultura Covalima menus hasa’e produsaun hare-kulit

Xefe Departamentu Programa no Ekstensaun Agríkola Filomeno Saldanha. Imajen TATOLI/Celestina Teles

COVALIMA,  15  janeiru 2025 (TATOLI) – Xefe Departamentu Programa no Ekstensaun Agríkola Filomeno Saldanha relata, bazeia ba levantamentu dadus, iha tinan-2024, agrikultura Covalima menus hasa’e produsaun ba hare kulit tanba irrigasaun mola kotu no menus bee.

“Ita-nia agrikultór  sira prodús de’it hare kulit tonelada 3,1. Husi totál, ita-nia agrikultór sira kuda natar hamutuk ektare 2,9608,” Filomeno Saldanha, informa iha Tabakolot, ohin.

Xefe ne’e dehan, rezultadu produsaun ne’ebé fó sai, tékniku estensionista sira mak halo levantamentu nune’e ba 2024 ne’e nia rezultadu produsaun; batar ektare 4,778  no hare-kulit mak tonelada 3,13. Husi númeru ne’e, produsaun husi postu Tilomar hare tonelada 2,3 no batar tonelada 210.

Postu Suai, hare tonelada 3.5, batar 2.13. Maucatar hasa’e produsaun batar tonelada hamutuk 2.45 , Fatululik prodús batar tonelada 2,06. Fohorem prodús batar tonelada 2,18. Fatumea prodús hare tonelada 2.5 no batar tonelada 210 no postu Zumalai produsaun hare-kulit tonelada 4.2 no batar ektare 2.54 ho totál produsaun tonelada 2,2.

“Ita hatene  munisípiu Covalima postu Suai  no Zumalai mak área ne’ebé potensiál ba atu hasa’e produsaun hare-kulit tanba postu Zumalai iha suku Raimea ita-nia agrikultura  sira falla hasa’e produsaun hare-kulit tanba hare ektare 300 la konsege hasa’e produsaun,” nia dehan.

Lembra katak, antes ne’e,  Eis-Diretór Agrikultura Munisípiu Covalima Reinaldo Coli mós relata, iha 2023 munisípiu Covalima nafatin menus hasa’e produsaun hare-kulit tanba relasiona ho akontesimentu dezastre naturál iha loron 03-04 jullu hodi fó impaktu mós ba hasa’e produsaun hare kulit iha Covalima.

Dadus ne’ebé tékniku sira rekolla katak relasiona akontese Dezastre Naturál iha Covalima fó impaktu produsaun hare ektare 441 no husi dadus referidu iha postu Zumalai konsege estraga hare-kulit hamutuk 251.

Jornalista: Celestina Teles

Editór : Rafael Ximenes de A. Belo

iklan
iklan

Leave a Reply

iklan
error: Content is protected !!