KOVALIMA, 06 Marsu 2025 (TATOLI) – Ministériu Edukasaun(ME) apoia ona mobiliáriu eskolár ba Eskola Bázika Filiál (EBF) Matai husi postu Maukatar no EBF Haree-Kain husi postu Zumalai munisípiu Kovalima .
Diretora Servisu Edukasaun Munisípiu Kovalima, Elda de Fatima dehan, Eskola Bázika Filiál Hare-Kain konstrui husi embaixada Japaun iha Timor-Leste no EBF Matai konstrui liuhusi Planu Dezenvolvimentu Integradu Munisipál (PDIM).
“Ho nune’e dadaun ne’e Ministériu Edukasaun fó apoiu ona mobiliáriu Eskolár ba eskola Bázika Filiál Matai kadeira meza hamutuk 120 no ba EBF Hare-Kain hamutuk 120 nune’e ita rezolve ona ”, Elda de Fatima, informa ba jornalista sira, iha resintu pre-eskolár Kamenasa, ohin.
Hafoin Ministériu Edukasaun fó apoiu mobiliáriu eskolár ba eskola rua referidu, dirijente eskola ne’e observa katak mobiliáriu eskolár ne’e sufisente ona ba eskola .
Fó hanoin fali katak, molok ne’e Manorin husi EBF Cancio Agusto de Jesus informa, Eskola Báziku Filiál Matai hafoin inaugura seidauk uza tanba la iha mobiliáriu Eskolár. Konstrusaun EBF Matai ne’e lokaliza iha suku Matai Postu administrativu Maukatar no EBF ne’e rasik konstrui liuhusi projetu PDIM.
Jornalista: Celestina Teles
Editór: Rafael Ximenes de A. Belo
