KOVALIMA, 04 Abríl 2025 (TATOLI) – Prezidente Autoridade Munisípiu (PAM), Kovalima, Miguel Armada Cardoso relata katak daudaun ne’e tékniku sira hala’o elaborasaun no finalizasaun ba Planu Asaun Anuál (PAA) 2026.
“Ho nune’e ha’u seidauk bele ko’alia lai Planu Asaun Anuál 2026. Munisípiu Kovalima iha nia programa, sub-programa no atividade hira tanba iha prosesu tékniku sira elabora PAA 2026 ne’e”, Miguel Armada Cardoso informa ba jornalista sira iha salaun AMC, ohin.
Autoridade Kovalima ne’e dehan, tékniku sira elabora no prosesa PAA 2026 munisípiu Kovalima ne’e, tuir planu, tuku 05 lorokraik finaliza no submete kedas ba nasionál.
Autoridade munisípiu Kovalima iha nia sekretáriu tolu hanesan Sekretáriu Munisipál Administrasaun no Finansa, Sekretáriu Munisipál Planeamentu Investimentu no Dezenvolvimentu Integradu, Sekretáriu Munisipál asuntu sosiál no organizasaun.
Aleinde ne’e mós iha nia servisu munisipál sira hanesan, Servisu munisipál administrasaun rekusu umanu, Servisu munisipál finansa, Servisu munisipál patromóniu no lojístika, Servisu munisipál planeamentu integradu no dezenvolvimentu.
Servisu munisipál apoiu organizasaun naun-governamentál no Organizaun komunitária servisu munisipál edukasaun, Servisu munisipál saúde, Servisu munisipál seguransa alimentár, servisu munisipál obra públika no transporte, Servisu munisipál água saneamentu no ambiente, Servisu munisipál agrikultura Kovalima.
Servisu munisipál jestaun merkadu no turizmu, Servisu munisipál asaun sosiál, Servisu munisipál protesaun sívil jestaun dezastre naturál, Servisu munisipál rejistu notariadu no kadastrál , Ajénsia munisipál no planeamentu no mós Ajénsia munisipál fiskalizasaun.
Nune’e, Administradór postu administrativu fatululik, Administradór Fatumea, Administradór Fohorem, Administradór postu administrativu Maukatar, Administradór postu Suai, Administradór Tilomar no Administradór Postu administrativu Zumalai.
Fó hanoin fali katak, Orsamentu Jerál Estadu 2024 aloka mai Kovalima hamutuk $7.256.651 ne’ebé aloka ba kategoria lima hanesan Saláriu no vensimentu $2.336.743, bens servisu no korrenti $846.885, Transferénsia públika $ 2.556.011, Kapitál menór $ 166.820, Kapitál dezenvolvimentu $1.350.192.
Jornalista: Celestina Teles
Editór: Rafael Ximenes de A. Belo
