DILL, 12 Juñu 2025 (TATOLI)-Timor-Leste liuhusi Ministériu Solidariedade Sosiál no Inkluzaun (MSSI) neʼebé reprezenta hosi Vise-MSSI, Céu Brites, partilla esperiénsia no promove vizibilidade nasionál iha forum globál.
“Partisipasaun iba forum ida-ne’e fó oportunidade importante ba Timor-Leste atu partilla esperiénsia no prátika di’ak iha domíniu direitu ba ema ho defisiénsia, reforsa liaison diplomátiku no kooperasaun internasionál, promove vizibilidade nasionál iha forum globál”, Vise-MSSI, Céu Brites, dehan iha Konferénsia Estadu Membru ba Konvensaun Direitu Ema ho Defisiénsia (EhD) ba dala-18 ne’ebé hala’o iha Asembleia Jerál Nasaun Unida iha Nova lorke.
Iha konferénsia ne’e Vise-Ministra hatete, informasaun pontuál kona-ka progresu no estratéjia, implementasaun konvensaun iha Timor-Leste, depois ratifikasaun formál neʼebé hala’o iha Janeiru 2023.
“Ida-ne’e atu garantia inkluzaun, partisipasaun no protesaun direitu ba Ema ho Defisiensia to’o-nia nivel governasaun”, Vise-MSSI dehan.
Vise MSSI hatutan Governu mantein programa sira hanesan transferénsia osan kondisionál ba labarik ho kondisaun defisiénsia sira hodi garante nafatin asesu ba ensinu báziku. “Ema ho defisiénsia hamutuk 9.000 resin mak hetan pensaun sosiál”, nia akresenta.
Notísia relevante: MSSI organiza konsulta nasionál sobre relatóriu ba implementasaun konvensaun direitu EhD
Jornalista : Osória Marques
Editora : Rita Almeida
