DILI, 12 Juñu 2025 (TATOLI)–Sekretária Estadu ba Igualdade, Elvina Sousa Carvalho, hateten, universidade tolu iha Timor-Leste deklara ona livre husi asedu sexuál.
“Kampus tolu mak deklara ona livre husi asedu sexuál, kampus sira ne’e hahú husi Universidade Nasionál Timor-Lorosa’e (UNTL), Institutu Filozofia no Teolojia (ISFIT) no Dili Institute of Technology (DIT), enkuantu universidade sira seluk iha ona komunikasaun atubele halo akordu ne’ebé hanesan ho Ensinu Superiór,” Sekretáriu Estadu informa hafoin enkontru ho Prezidentre Repúblika, iha Palásiu Prezidensiál, Bairru-Pite, Kinta ne’e.
Notísia relevante : SEI konvida PR Horta fó mensajen iha High-level Political Forum 2025
SEI halo advokasia ba liña ministeriál sira nomós ho Komisaun Funsaun Públika atubele prevene asedu sexuál iha serbisu fatin.
Aleinde ne’e, SEI serbisu hamutuk ho parseiru UN Women no husi parte Ministériu Ensinu Superiór atubele kria universidade ne’ebé seguru no livre husi asedu sexuál.
Jornalista : Hortencios Sanchez
Editora : Julia Chatarina
