ME sei moderniza prosesu aprendizajen ba sistema eletróniku
DILI, 03 Jullu 2025 (TATOLI)-Ministériu Edukasaun (ME) liuhusi Dirasaun Ensinu Sekundáriu Jerál, Benjamin Fernandes, hatete ME sei moderniza prosesu aprendizajen ba sistema elektróniku iha saladeaula.
“Tinan ne’e, ami-nia prosesu aprovizionamentu hotu ona, sei implementa iha eskola 23 ho saladeaula hamutuk 324, ne’ebe sei instala projetór no komputadór atu fasilita manorin sira”, nia dehan iha Eskola Sekundáriu Jerál Finantil, Ai-mutin, kinta ne’e.
Hosi eskola 23 ne’e, munisípiu Aileu mak Ensinu Sekundáriu Jerál Públiku (ESJP) Aileu Malere hetan unidade 12, ho ESJP Laulara simu unidade 10. Munisípiu Ainaru mak ESJP Fernando Lasama hetan unidade 10. Munisípiu Baukau mak ESJP Númeru 1 Baukau hetan unidade 14, ESJP Vila Nova hetan unidade 16, no Ensinu Sekundáriu Jerál Filial, Baguia hetan unidade 10.
Munisípiu Bobonaru mak ESJP Dom Martinho Maliana simu unidade 20. Munisípiu Kovalima mak ESJP Seran Cotes unidade 20, ho ESJP Zumalai iha unidade 10. Munisípiu Dili mak ESJP 4 Setembru iha unidade 22 no ESJP 12 joven iha unidade 22. Munisípiu Ermera mak ESJP NCS Glenu iha unidade 20, ESJP Mau-Cruma iha unidade 0 no ESJP Railaku iha unidade 3.
Munisípiu Likisá mak ESJP No 1 Likisa iha unidade 8. Munisípiu Lautein mak ESJP NCS Lospalos iha unidade 28, ESJP Lere Anan Timur iha unidade 10. Munisípiu Manatutu mak ESJP
Nune’e mos nia akresenta bainhira eskola sira ne’e iha ona sistema internet, bele uza ona sistema dijitalizasaun.
Nia dehan sei implementa ba eskola sira iha munisipiu 13, ne’ebé nia kondisaun másima hanesan eskola haleu ho morru.
Orsamentu ba implementasaun iha tinan ne’e rihun $500, implementasaun sei akontese fazeadamente.
Programa seluk mak sei halo mós revizaun ba kuríkulu ba ensinu sekundáriu hodi adapta ba sistema teknolojia. “Ida-ne’e sei envolve parte hotu atu fó ideia ba malu hodi bele halo kuríkulu ne’e”.
Notísia relevante: Xina-UNICEF oferese ekipamentu TIC ba eskola hamutuk 34
Jornalista : Osória Marques
Editora : Rita Almeida
