OEKUSI, 29 Agostu 2025 (TATOLI) – Prezidente Autoridade Rejiaun Administrativa Espesiál Oekusi Ambeno (RAEOA), Rogério Tiago de Fátima Lobato, informa katak, empreza Internasionál Seagell Resort husi Malázia selu ona taxa ba kofre Estadu hamutuk millaun $4 tama reseita naun fiskais Oekusi nian, hodi loke jogu online iha otél Oé-Upun.
Notísia relevante:Kazu otél Oé-Upun, arguidu na’in-neen kontinua detein iha sela detensaun kalan ida
Tanba ne’e, Rogério Lobato espera, asaun buska no apreensaun, inklui desmantela husi Polísia Sientífika Investigasaun Kriminál (PSIK) ho Serbisu Nasionál Intelejénsia (SNI) tuir lei no orden.
Tuir nia, oras ne’e sai ona kazu no daudaun tama ona iha prosesu judisiál, tan ne’e nia espera, Tribunál sei fó sai nia rezultadu ho loloos.
“Antes ne’e kompañia entrega ona millaun $4 tama iha reseita naun fiskais RAEOA nian, maibé husik polísia sira halo nia serbisu, ema sira-ne’ebé halo buska no apreensaun ba, sira mós iha advogadu atu defende sira, prontu, husik ne’e la’o tuir lei no orden ne’ebé iha, ita hein de’it desizaun husi tribunál,” nia informa ba jornalista iha Oekusi, ohin.
Notísia relevante:Advogadu konsidera buska no apreensaun iha otél Oé-Upun laiha lejitimidade
Notísia relevante:Advogadu konsidera buska no apreensaun iha otél Oé-Upun laiha lejitimidade
Jornalista: Abílio Elo Nini
Editór: Rafael Ximenes de A. Belo
