Molok retira, TL kombate Illa Marina 6-0 iha jogu kualifikasaun AFC U-23
DILI, 09 Setembru 2025 (TATOLI)–Ekipa Selesaun Nasionál Futeból Timor-Leste (TL) kombate Illa Marina ho skor 6-0 iha jogu kualifikasaun Asian Football Confederation (AFC) U-23 ne’ebé realiza iha Estádiu Xi’an Sports Center, Xina, Tersa loraik ne’e.
Ekipa Lafaek hala’o jogu ho jogadór prinsipál sira-ne’ebé lidera husi kapitaun Gali Freitas, iha-ne’ebe Timor-Leste lidera 2-0 durane jogu parte dahuluk iha minutu 36 no oras estra nian minutu 45+.
Iha parte daruak, ekipa Timor-Leste hasa’e liután intensidade jogu hodi rezulta tan golu haat ne’ebé prodús durante minutu sanulu antes jogu ramata hanesan iha minutu 82, 83 no golu rua seluk iha minutu estra 90+1 no 90+2.
Notísia relevante: Selesaun Nasionál retira husi Kualifikasaun AFF U-23
Husi rezultadu jogu referidu Timor-Leste konsege hakerek pontu 3 iha tabela klasifikasaun no la muda pozisaun terseira klasifikada Grupu D nian, maibé obrigadu tenke retira husi kompetisaun referida.
Enkuantu, Illa Marina okupa iha tabela ikus hafoin derrota jogu tolu kontra Austrália, Indonézia no ohin ho Timor-Leste. Nune’e, iha Grupu D ekipa rua kompostu husi Austrália no Xina mak kontinua hakat bá faze eliminasaun ne’ebé ekipa rua sei deside liuhosi jogu ikus ohin oras 18:35.
Jogador : Filontino Nogueira (GK/1), Fowler (4), Liam Farrugia (3), Olagar Xavier (9), Alexandro Lemos (10), Jonatas Pereira (13), Tristan (14), Mario Quintão (17), Fretelian (16), Gali Freitas (C/21) no Anizo Correia (23).
Jornalista: Natalino Belo
Editór: Xisto Freitas da Piedade
