MJDAK observa projetu konstrusaun edifísiu Sentru Juventude Kovalima
KOVALIMA, 19 Setembru 2025 (TATOLI)- Ministériu Juventude, Desportu, Arte no Kultura (MJDAK) liuhusi Diresaun Nasionál Dezenvolvimentu Juventude, Firmino dias Quintas, sesta-ne’e, observa projetu konstrusaun rampa iha edifísiu Sentru Juventu Kovalima (CJC).
“Ha’u nia prezensa iha ne’e atu observa progresu obra. Tuir observasaun finaliza ona hein atu halo inaugurasaun, maibé presiza dada bee-moos”, Firmino dias Quintas, hato’o hafoin observa konstrusaun Rampa iha CJC. Kampung Baru.
Projetu ne’e apoia husi UNICEF atu fasilita ema ho defisiente sira, nune’e atu labele husik ema ida iha kotuk.
Iha sorin seluk, Diretór Ezekutivu Sentru Juventude Kovalima, Julio Ferreira, sente orgullu tanba halo konstrusaun ne’e importante hodi fasilita EhD bainhira hakarak tuir formasaun iha fatin referidu.
“ Ita-nia maluk EhD atu tuir formasaun sira entaun presiza kria kondisaun ba sira mak hanesan halo konstrusaun rampa hodi preteje sira husi risku”, nia reforsa
Tuir planu iha fulan-Outobru halo ona inaugurasaun, maibé sei hein konfirmasaun loron ba UNICEF no MJDAK.
Jornalista: Celestina Teles
Editór:Florencio Miranda Ximenes
