Ministru Samuel apelu ba komunidade labele soe fo’er arbiru iha área bee tudak Fatisi

DILI, 24 Setembru 2025 (TATOLI)–Ministru Obras Públika, Samuel Marçal apelu ba komunidade ne’ebé hala’o viajen no negosiante sira atu labele soe fo’er arbiru hodi estraga paizajen no ambiente iha área bee tudak iha Suku Fatisi, Postu Administrativu Fulara, Munisípiu Aileu.

“Favór ida komunidade, hakarak fa’an hahán ruma iha ne’ebá, fa’an ba maibé labele soe fo’er arbiru tamba ita-nia rai ne’e furak ka la furak depende ba hotu-hotu nia kuidadu,” Ministru hato’o iha ninia knaar fatin, Kaikoli, Kuarta ne’e.

Notísia relevante : Konstrusaun ponte no estrada iha bee-tudak Fatisi atinje ona 80%

Nia dehan, sidadaun hotu tenke iha responsanilidade morál ba rai no nasaun ne’e atu di’ak ka a’at la’ós Governu de’it mak dezenvolve maibé ema hotu tenke iha responsabilidade.

“Soe fo’er ho kuidadu tuir nia fatin, dalaruma ita hein de’it mak Sekretaria Estadu Asuntu Toponímia no Organizasaun Urbana (SEATOU) maka tenke tun duni no hamoos, ne’e ladi’ak,”  nia apelu.

Jornalista     : Alexandra da Costa

Editora         : Julia Chatarina