DILI, 12 Novembru 2025 (TATOLI)—Ministru Obra Públika, Samuel Marçal, informa prosesu reabilitasaun estrada iha Lurumata (Fatuhada) hahú husi Komité Sentrál FRETILIN (CCF, sigla portugés) tun ba embaixada Amérika iha hela faze sub-baze ka ateru rai-henek dahuluk ba estrada ne’ebé ateru ona.
“Maibé ha’u aselera hela Empreza JL Construction, maizumenus antes atu ramata tinan ida-ne’e bele tau ona alkatraun, tanba ita uza fundu ne’ebé boot kuazé miliaun $3-resin. Nune’e, horisehik ha’u ho Primeiru-Ministru ba halo observasaun hela ba projetu ida-ne’e,” Ministru Samuel informa ba Agência Tatoli iha Ministériu Finansa, Aitarak Laran, ohin.
Governante ne’e dehan, kuazé progresu ne’e la’o kapaas tanba agora iha ona faze baze, entaun desezu servisu ne’e bele lalais. Maske servisu kleur liu mak prosesu halo drainajen nian maibé kona-ba drainajen empreza sira konsege konklui ona.
“Tanba bainhira proseu ne’e hakat ona ba faze which course entaun sira bele nahe daudaun ona alkatraun dahuluk nian ba Estrada,” nia esplika.
Notísia Relevante: SEATOU no MOP hahú hamamuk espasu iha Lorumata ba alargamentu estrada
Jornalista : Alexandra da Costa
Editór : Cancio Ximenes
