Governu halo analiza ba auditória forense ne’ebé implementa husi EY Portugál

DILI, 18 Marsu 2026 (TATOLI)—Governu liuhusi reuniaun Konsellu Ministru ne’ebé hala’o sorumutu iha Palásiu Governu, Dili, analiza konkluzaun ba auditória forense ne’ebé hala’o husi EY Portugál kona-ba prosesu akizisaun no jestaun aviaun Twin Otter nomós konstrusaun ró Haksolok, ne’ebé hala’o husi Autoridade Rejiaun Administrativa Espesiál Oekusi Ambenu.

Bazeia ba dokumentu ne’ebé Agência Tatoli asesu iha portál Governu deklara katak EY Portugál halo parte iha rede internasionál Ernst & Young, organizasaun servisu profisionál ida-ne’ebé boot liu iha mundu, ho esperiénsia hodi hala’o auditória ba entidade públika no privada sira.

Nune’e durante sorumutu ne’e, aprezenta deskrisaun ida kona-ba prosesu akizisaun, jestaun no konstrusaun ba ekipamentu sira ne’ebé temi ona, no mós konkluzaun prinsipál sira hosi auditória forense.

Jornalista : Alexandra da Costa

Editór       : Cancio Ximenes