Komité Rejionál Organizasaun Mundiál Saúde ba Sudeste Aziátiku da-79 sei hala’o iha TL
DILI, 05 Agsotu 2026 (TATOLI)—Ministra Saúde, Elia A. A. dos Reis Amaral, aprezenta ba Konsellu Ministru preparativus ba realizasaun Sesaun da-79 Komité Rejionál Organizasaun Mundiál Saúde ba Sudeste Aziátiku (WHO South-East Asia Regional Committee–WHO/SEARO).
Komité Rejionál Organizasaun Mundiál Saúde ba Sudeste Aziátiku ne’e, tuir planu sei hala’o iha Dili, husi loron 7 to’o 10 fulan-setembru tinan 2026.
Sesaun ida-ne’e hanesan fórum prinsipál governasaun Organizasaun Mundiál Saúde (OMS) nian iha Rejiaun Sudeste Aziátiku, ne’ebé halibur Estadu-Membru hodi halo definisaun ba orientasaun estratéjika, análize ba progresu saúde públika no aprovasaun inisiativa kooperasaun rejionál nian.
Iha reuniaun KM ne’e mós aprezenta kona-ba serbisu preparatóriu sira-ne’ebé la’o hela inklui koordenasaun interinstitusionál no aspetu lojístiku, prokolu, seguransa no apoiu tékniku sira ne’ebé presiza hodi simu delegasaun sira nian.
Enkontru ne’e hala’o iha Timor-Leste reprezenta oportunidade ida hodi reforsa kooperasaun rejionál iha área saúde, promove protesaun internasionál país nian no reafirma kompromisu nasionál liuhusi reforsa sistema saúde.
Jornalista : Alexandra da Costa Santos
Editór : Cancio Ximenes
