Ramos-Horta kontinua husu Indonézia atu entrega restu mortál Nicolau Lobato

DILI, 25 Agostu 2026 (TATOLI) – Prezidente Repúblika, José Ramos-Horta, kontinua husu ba Governu Indonézia atu entrega restu mortál saudozu Nicolau Lobato no eroi sira seluk ne’ebé to’o ohin loron seidauk hetan, nune’e bele haloot iha fatin dignu.

Nia dehan kestaun ne’e kle’ur ona ko’alia beibe’ik, dezde tempu Megawati, Prezidente Jokowi no Prabowo, maibé to’o agora laiha rezultadu.

Ramos-Horta hatete bainhira hahú simu pose hanesan Xefe Estadu nia parte nomeia komisaun ida bá to’o iha Indonézia hodi ko’alia ho jenerál sira atu haree semitériu boot ida ne’ebé deskonfia hakoi saudozu sira, maibé ikus mai haree laiha.

“Sei husu nafatin ba sira atu entrega restu mortál”, nia hatete ba jornalista sira iha Sentru Konvensaun Dili, ohin.

Notísia relevante: https://tatoli.tl/2026/08/19/tinan-51-falintil-deputadu-husu-governu-buka-tuir-nicolau-lobato-nia-ruin/

Jornalista: Nelson de Sousa

Editora: Maria Auxiliadora