RAEOA ho Sentru Formasaun Tibar reatualiza akordu atu kapasita ba área téknika
OEKUSI, 02 Outubru 2026 (TATOLI) – Autoridade Rejiaun Administrativa Espesiál Oekusi Ambeno (RAEOA), selebra akordu ho Sentru Nasionál Empregu no Formasaun Profisionál Tibar, selebra akordu faze daruak nian atu apoia kapasitasaun ba rekursu umanu sira iha Oekusi liliu ba área tékniku sira iha Diresaun Servisu Rejionál Obra Públika.
Diretór Formasaun Sentru Formasaun Tibar, Simão Tito Barreto informa katak akordu ne’e ho durasaun tinan-lima, nu’udar faze daruak nian, tanba antes ne’e RAEOA ho Sentru Formasaun Tibar selebra akordu dahuluk kona-ba estabelesimentu Sentru Formasaun Bansone.
Nune’e, akordu faze daruak ne’e, espesífiku liu ba kapasitasaun rekursu umanu liliu ba tékniku sira iha Diresaun Rejionál Servisu Obra Públika nian.
“Akordu ne’e ho sentidu ida, fó biban ba sentru formasaun Tibar, kontinua fó kapasitasaun ba kuadru tékniku iha diresaun Obra Públika, nune’e tékniku sira bele hetan tan koñesimentu ba iha dezeñu, fiskalizasaun no estimasaun ba kustu sira-ne’ebé efetivu ba iha prosesu diskusaun obra nian,” nia hatetetn iha Oekusi, foin lalais ne’e.
Notísia relevante:SEFOPE fasilita joven 65 tuir formasaun iha Sentru Formasaun Bansone
Nia konsidera, akordu ne’e, nu’udar oportunidade ba Sentru Formasaun Tibar, liliu ba prosesu aprendizajén ho kontestu ne’ebé aplikasaun iha projetu reál sira, ida-ne’e sei halo konfiansa ba tékniku sira no efisiénsia ba planu projetu sira-ne’e, sei bele atinje to’o rezultadu ho kualidade, tuir dezeñu no tékniku padraun nian.
Notísia relevante:SEFOPE husu sentru formasaun akreditadu investe joven sira iha merkadu traballu
Prezidente Autoridade RAEOA, Régio da Cruz Salu, konsidera, akordu ne’e ne’e faz parte nesesidade servisu administrasaun governativa no administrasaun legál, nune’e instituisaun ho instituisaun tenke iha mekanizmu akontabilidade iha futuru, tanba kada tinan periodikamente iha auditoria kona-ba ezekusaun orsamentu, mekanizmu administrasaun legál akontabilidade tenke estabelese.
Tanba ne’e, alta entidade RAEOA ne’e dehan, Sentru Formasaun Tibar ne’e, instituisaun autonomu Estadu nian, atu nesesita sira-nia apoia intervensaun ba instituisaun seluk, tenke iha mekanizmu institusionál administrativa, nune’e bele permite instituisaun rua atu responsabiliza kontabilidade, ne’e normál.
“MoU ne’e bainhira ha’u asina, ne’e signifika ha’u konsiente kona-ba dalan naruk ba RAEOA atu kapasita Sentru Formasaun Profisionál Bansone mós, nune’e diresaun sira iha Oekusi, presiza atu kapasita ba área tékniku vokasionál, la presiza asina ho seluk tanba ita RAEOA ninian rasik, maibé, ezemplu ba tékniku sira iha Obra Públika bele kapasita tékniku sira kona-ba kualidade obra sira, halo monitorizasaun no supervizaun fiskalizasaun ba empreteru sira, la presiza ba fatin seluk tanba ita iha Sentru Formasaun Bansone iha Oekusi,” nia hateten.
Notísia relevante:Autoridade RAEOA abertura ona formasaun iha SFPB
Jornalista: Abílio Elo Nini
Editór: Rafael Ximenes de A. Belo
