Top

Programa apoiu veteranu iha atividade ekonomia sei garante moris di’ak

Prezidente Konsellu Veteranu, Vidal de Jesus "Riak Leman". Imajen TATOLI/Arminda Fonseca.

DILI, 22 julu 2022 (TATOLI)—Prezidente Konsellu Kombatente Libertasaun Nasionál (CCLN), Vidal de Jesus ‘Riak Leman’, hateten programa apoiu veteranu liuhosi atividade ekonómia no veteranu grau 0-3 no 4-7 nia oan sira asesu edukasaun ne’e sei garante veteranu nia moris di’ak iha futuru.

Notísia Relevante: SASCAS no CCLN selebra akordu tau-matan ba grupu veteranu

“Programa ne’e ninia objetivu mak atu garante asesu edukasaun ba veteranu 0-3 no 4-7 ninia oan-sira no grupu veteranu iha atividade ekonomia ne’e kria oportunidade hetan rendimentu família ba veteran sira iha futuru,” Riak Leman hateten ba Agência TATOLI, iha nia kna’ar fatin Comoro, Dili, sesta ne’e.

Tanba ne’e, CCLN planea hodi tau osan iha Orsamentu Jerál Estadu (OJE) 2022 nian ho montante rihun $500 liuhosi Servisu Apoiu Sosiedade Sivil no Auditória Sosial (SASCAS) hodi fo apoiu ba grupu veteranu grau 0-3 no 4-7 ne’ebé kada fulan la simu subsídiu iha munisipiu 12 inklui iha Rejiaun Administrativa Esepesiál Oé-Cusse Ambeno (RAEOA).

“Osan $500,000, ita-nia osan mak liuhosi Servisu Apoiu Sosiedade Sivil no Auditória Sosiál (SASCAS) hodi halo atividade ekonómia ho nia osan $20,000 no $10,000 selu estudante finalista kada munisipiu ema na’in-20 depois rihun $8 hodi halo operasaun ba atividade nian,” nia dehan.

Nia esplika, tenke liuhosi SASCAS atu nune’e sira bele kontrola no halo monitorizasaun programa apoiu veteranu liuhosi ó apoiu ba gru[u veteran sira iha kada Munisípiu ha;a’o atividade ekonomia ne’ebé sei sei akompaña mós hosi ekipa CCLN nian.

“Tanba kritériu hotu-botu liga ho atividade ekonomia ne’e SASCAS mak prepara no SASCAS mak orienta,” nia deban.

Notísia Relevante: CCLN-SASCAS sei atribui osan ba grupu veteranu halo atividade ekonomia 

Jornalista : Osória Marques

Editór      : Cancio Ximenes

 

Publisidade

Leave a Reply

Latest Post

error: Content is protected !!