Top

Governu valoriza veteranu sira liuhosi pensaun kategória lima

Sekretáriu Estadu Asuntu Kombatente Libertasaun Nasionál (SEAKLN), Júlio da Conceição ‘Loro Mesak’. Imajen Tatoli/Sérgio da Cruz.

DILI, 27 jullu 2022 (TATOLI)—Sekretáriu Estadu Asuntu Kombatente Libertasaun Nasionál (SEAKLN), Júlio da Conceição ‘Loro Mesak’, hateten Governu valoriza veteranu sira-ne’ebé mak luta ba ukun an hodi fó pensaun iha kategória lima (5).

Notísia Relevante: CCLN-SASCAS sei atribui osan ba grupu veteranu halo atividade ekonomia

Kategória lima ne’e kompostu hodi Governu harii Komisaun Kombatente Libertasaun Nasionál (CCLN, sigla portugéz) kada Munisípiu, halo uma ba veteranu ho grau 20-24 hamutuk 98. fó kreditu ba veteranu sira liuhosi Banku Nasionál Komérsiu Timor-Leste (BNCTL); fó bolsa estudu ba veteranu nia oan sira, depois rekruta FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL).

“Liuhois apoiu pensaun hirak-ne’e mak dehan Governu integra ona veteranu ba iha vida ekonómika no sosiál maibé ida-ne’e ba veteranu grau 8-14, 15-19, 20-24 nian de’it,” nia dehan ba Agência Tatoli, iha nia knar fatin, Dili.

Tanba ne’e mak Governu liuhosi Servisu Apoiu Sosiedade Sivil no Auditoria Sosiál (SASCA) asina akordu ona ho CCLN hodi atribui osan ba veteranu grau 0-3 no 4-7 hodi halo negósiu no buka moris hodi sustenta família.

“Atividade ida-ne’e foin planu atu halo no iha segunda (25/07) asina akordu ona, nune’e tinan ne’e implementa ona,” nia dehan.

Governante ne’e hateten, Governu integra veteranu sira iha vida ekonómika mak liuhosi atividade ekonómika mak hanesan hakiak animal, kuda modo, no seluk tan.

Totál veteranu ne’ebé mak durante ne’e hetan benefísiu hosi Estadu no Governu ida-ne’e hamutuk rihun 28.475.

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!