Top

MAKLN halo pagamentu ba veteranu nia-oan hetan bolsa estudu iha setembru ne’e

Diretór Departamentu Pensaun no Subrevivente, Manuel Araújo dos Santos. Imajen TATOLI/Nelia Borges.

DILI, 31 agostu 2022 (TATOLI)–Governu liuhosi Ministériu Asuntu Kombatente Libertasaun Nasionál (MAKLN) ho Sekretáriu Estadu Kombatente Libertasaun Nasionál (SEAKLN), sei halo pagamentu ba veteranu nia-oan sira-ne’ebé hetan bolsa estudu hosi Governu iha setembru ne’e.

Notísia Relevante: MACLN aprova programa bolsa estudu ba veteranu nia oan hamutuk 839

Diretór Nasionál Pensaun no Subvensaun hosi Sekretária Estadu Combatante Libertasaun Nasionál, Manuel Araújo dos Santos, hateten benefisiáriu ne’ebé atu asesu ba edukasaun iha teritórriu nasionál ne’ebé mak sei selu iha fulan-setembru tinan ne’e hamutuk 839 hosi rekerrente 1.138.

“Faze pagamentu ba benefisiária admitidu sira iha fulan-setembru nia-laran,” Manuel Araújo dos Santos hateten ba Agência Tatoli iha nia kna’ar fatin Caicoli, Dili, kuarta ne’e.

Hosi númeru admitidu ne’e, ensinu báziku primeiru siklu na’in-55, ensinu báziku segundu no terseiru siklu iha na’in-130, ensinu sekundáriu na’in-130 no ba universidade iha rai-laran hamutuk na’in-524.

Nia hatutan hosi inísiu to’o tinan ne’e, Governu apoiu subsíidu ba veteranu nia-oan hamutuk 3.116 inklui ho 839 ne’e.

“Rejimentu bolsa estudu ne’e ita atribui ona ba benefisiáriu 3,116 hosi nivel ensinu báziku to’o universidade inklui ho rai-li’ur nian,” nia dehan.

Primeira alterasaun dekretu-lei nú. 8/2009, 15 janeiru, kona-ba rejime atribuisaun bolsa estudu ba Kombatenete Libertasaun Nasionál nia oan.

Tanba ne’e Governu planu atu implementa sistema atribuisaun bolsa estudu ba martir sira ho Kombatente Libertasaun Nasionál sira-nia oan, hodi abranje ka kobre nívél eskolaridade tomak ne ebé hahú hosi ensinu báziku to’o ensinu superiór. Governu aloka osan millaun $1,111 ba programa bolsa estudu ba veteranu nia oan.

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!