iklan

NASIONÁL, POLÍTIKA

Eis Prezidente Repúblika Lú Olo alta ona hosi HNGV

Eis Prezidente Repúblika Lú Olo alta ona hosi HNGV

Prezidente Partidu FRETELIN, Francisco Guterres Lú Olo. Imajen Tatoli/António Daciparu.

DILI, 17 setembru 2022 (TATOLI)—Eis Prezidente Repúblika no Atuál Prezidente Partidu FRETILIN, Francisco Guterres Lú Olo, sabadu ne;e, alta ona hosi Hospital Nasional Guido Valadares (HNGV), hafoin hala’o tratamentu médiku durante loron lima.

Notísia Relevante: 22 setembru, Lú-Olo bá hala’o tratamentu médiku iha Malázia

“Durante iha HNGV, Lú Olo hetan tratamentu médiku  ida di’ak tebes hosi komponente hotu ne’ebé hola papel importante iha área oioin hodi kontribui ba rekuperasaun ne’ebe ho lais tebes,” refere komunikadu imprensa ne’ebé Agência Tatoli liuhosi pájina rede sosiál (Facebook) Lú Olo Presidente da RDTL 2017-2022, sábadu ne’e.

Ho nune’e, Prezidnte Repúblika períodu 2017-2022 ne’e hamutuk ho familia agradese tebes ba esforsu sira,  atendementu di’ak no apoiu tomak la sura kolen hosi ekipa médiku espesialista, enfermeira sira, ekipa laboratorista, ekipa Radiolojia, ekipa  emerjénsia ne’ebe fó ona asisténsia médiku ida kualidade, nune’e kontribui bele alta lalais.

Nune’e mós, hato’o agradesimentu ba alta entidade sira hanesan Prezidente Repúblika, Jose Ramos Horta, Primeiru-Ministru Taur Matan Ruak, Prezidente Parlamentu Nasional Aniceto Guterres,  Xefe Estadu Maiór Jenerál F-FDTL, Tenentr Jenerál Falur Rate Laek.

Agardese mós ba familia boot hosi Partidu FRETILIN liu-liu ba Kamarada Sekretáriu Jerál FRETILIN, Mari Alkatiri ne’ebe halo vizita kuaze loro-loron, veteran sira, família hosi Ossu-Viqueque no Ataúro no maluk sira seluk ne’ebe la temi ida-idak nia naran.

“Ba imi tomak nia laran luak hola momentu balun halo vizita no orasaun sira mak fó mós forsa no korajem ba Kamarada Lú Olo hodi rekupera lalais hosi nia moras. Ba solidareidade hirak ne’e, Prezidente FRETILIN Lú Olo dala ida tan hamutuk ho nia familia hato’o agradese wa’in tebes,” nota ne’e hateten.

Jornalista : Horténcio Sanchez

Editór      : Cancio Ximenes

iklan
iklan

Leave a Reply

iklan
error: Content is protected !!