iklan

NASIONÁL, KAPITÁL

AMD hein MAE asina NTP identifika fatin instalasaun kaixote lixu 4.000

AMD hein MAE asina NTP identifika fatin instalasaun kaixote lixu 4.000

Pesoál saneamentu sira rekolla hela lixu iha lixeira. Imajen/Doc. TATOLI

DILI, 26 setembru 2022 (TATOLI)—Diretór Servisu Munisipál Agua Saneamentu no Ambiente, Hermínio Moniz Ribeiro, informa Autoridade Munisípiu Dili iuhosi Servisu Munisipál Agua Saneamentu no Ambiente daudaun ne’e hein Ministru Administrasaun Estatál, Miguel Pereira de Carvalho, asina Note to Proceed (NTP) atu identifika fatin ba instalasaun kaixote lixu 4.000 iha kapitál Dili.

Notísia Relevante: Instalasaun kaixote lixu 4.000 iha faze identifika fatin

“Identifikasaun kona-ba kaixote lixu ninia sensibilizasaun halo hotu ona, agora hein de’it ho kompañia atu halo joint survey hamutuk. Agora joint survey ne’e kuandu atu halo, enkuantu asina ona Note to Proceed (NTP). Tanba ne’e, orsida lorokraik ami sei ba Ministériu (MAE) atu halo konfirmasaun ho Note to Proceed ne’e, se asina ona entaun atividade sira-ne’ebé iha ligasaun bele hala’o ona, hanesan soil test, kona-ba eletrisidade, bee-moos no ida seluk mak atu halo identifikasaun ba fatin lixu,” Hermínio Moniz Ribeiro hateten ba Agência Tatoli iha nia kna’ar fatin, Dili, segunda ne’e.

Kona-ba ekipamentu kompañia kompra ona, nia dehan, ekipamentu ba pagamentu adiantamentu Servisu Munisipál Agua Saneamentu no Ambiente hato’o ona ba Fundu Insfraestrutura, tanba pagamentu ne’e ba Fundu Infraestrutura mak halo, la’ós hosi Munisípiu Dili tanba orsamentu mai hosi Fundu Infraestrutura.

“Maibé, osan operasionál mai hosi Munisípiu Dili no osan infraestrutura mai hosi Fundu Infraestrutura. Tanba, ekipamentu ne’e mai hosi Fundu Insfraestruturas, entaun hosi Sekretária no Grande Projetu no mós Fundu Infraestrutura ne’e, sira mak halo pagamentu ba iha ekipamentu,” nia hateten.

Maibé nia prosesu ne’e, turi nia, Ministériu Administrasaun Estatál hato’o ona ba iha Sekretáriu Fundu Infraestrutura hosi Grande Projetu, depois sira halo konfirmasaun ho Project Management Unit (PMU) no ba ona halo konfirmasaun agora iha hela prosesu atu halo pagamentu.

Jornalista : Nelia Fernandes

Editór      : Cancio Ximenes

iklan
iklan

Leave a Reply

iklan
error: Content is protected !!