DILI, 28 setembru 2022 (TATOLI)—Governu liuhosi Ministru Administrasaun Estatál (MAE), Miguel Pereira de Carvalho, hateten ministériu prevee $400.000 ba selebrasaun loron proklamasaun independénsia ne’ebé sei monu iha 28 novembru iha Manatuto.
Notísia Relevante: Governu deside loron proklamasaun independénsia sei komemora iha Manatuto
“Selebrasaun loron proklamasaun independénsia ne’ebé realiza iha Manatuto ho osan $400.000,” Miguel Pereira de Carvalho hateten ba jornalista sira, iha resintu Palásiu Governu, Dili, kuarta ne’e.
Iha komemorasaun loron independénsia ne’e, sei realiza mós atividade desportiva, semináriu, no mós realiza feira iha ne’ebá no isár bandeira.
Tuir nia, loron proklamasaun independénsia 28 novembru ne’ebé sei komemora iha Manatuto ne’e sei hatada ho isar Bandeira ne’e ho objetivu tanba Governu hakarak realiza serimónia ne’e fora hosi kapitál Dili.
Tuir Sekretáriu Jerál Komisaun Organizadora (KO), Agostinho da Costa, hateten agora daudaun iha hela faze preparasaun atividade ba loron importante ne’e.
“Ita-nia preparasaun ba planu sira ba loron importante ne’e fahe ona sesaun mak prezidente komisaun organizadora mak Vise MAE, Lino de Jesus Torrezão no vise KO mak Ministru Turismu Komérsiu Indústria (MTCI),” nia dehan.
Notísia Relevante: Veteranu 50 sei simu kondekorasaun iha selebrasaun loron proklamasaun independénsia
Jornalista : Osória Marques
Editór : Cancio Ximenes
