iklan

NASIONÁL, POLÍTIKA

SEAK prosesa ona orsamentu ba benefisiáriu uma-lisan 27 iha territóriu

SEAK prosesa ona orsamentu ba benefisiáriu uma-lisan 27 iha territóriu

unsionáriu Tékniku SEAK, Gil Paulino S. Oliveira. Imajen: Nelia Fernandes

DILI, 04 outubru 2022 (TATOLI)-Sekretáriu Estadu Arte no Kultura (SEAK) liuhosi Dirasaun Nasionál Patrimóniu Kulturál (DNPC), iha tinan ne’e prosesa ona orsamentu ba benefisiáriu uma-lisan 27 iha territóriu nasionál.

Notísia relevante :SEAK sei fó apoiu uma lisan 27 iha territóriu nasionál

“Agora dadaun apoiu uma-lisan 27 ne’e tuir planu iha 2022, hamutuk 28, tanba iha faze dahuluk uma-lisan 27 no faze daruak uma-lisan ida (1). Maibé, apoiu ba uma-lisan 27 iha faze dahuluk ne’e dadaun orsamentu tama ona iha sira-nia konta bankaria ida-idak hodi prosesu konstrusaun ba uma-lisan ne’e la’o ona, balun halo inaugurasaun no reabilitasaun, ne’ebé purvolta iha fulan outubru ka novembru sira finaliza ona sira-nia konstrusaun uma-lisan no agora dadaun sira atu hatama fali relatóriu ba konstrusaun, reabilitasaun ka inaugurasaun tuir kapitalizasaun,” Diretor Nasional Patrimóniu Kulturál, Gil Paulino S. Oliveira, hateten ba Ajénsia Tatoli, via telefónika iha tersa ne’e.

Tuir nia, apoiu uma-lisan ba faze daruak ida ne’e, SEAK seidaauk fó apoiu, tanba sei iha hela prosesu.

“Tanba, normalmente uma-lisan ne’e halo hotu ona, maibé nia kritéria apoiu ne’e atu ba konstrusaun. Entaun, uma-lisan ne’ebé finaliza ona otomatikamente nia labele tama ba prosesu konstrusaun, pelemenus nia tama ba apoiu parte inaugurasaun. Tanba ne’e, agora uma-lisan ida ba faze daruak ne’e sei iha faze atu halo negosiasaun ho proponente na’in atu bele hetan solusaun, hosi ne’e maka uma-lisan ba segundu faze ne’e seidauk bele hetan apoiu, entaun ida ne’e ita bele hateten, uma-lisan 27 de’it mak avansa,” nia informa.

Kona-ba, tanbasá iha faze daruak Governu, liuhosi SEAK apoiu uma-lisan ida de’it, Diretór ne’e dehan, tuir orsamentu ne’ebé alokadu saldo, SEAK kalkula hela de’it ona apoiu ba uma-lisan ida, la liu tan hosi ne’e, tanba ne’e iha faze daruak SEAK apoiu uma-lisan ida de’it.

Entretantu, antes ne’e Governu, liuhosi Sekretáriu Estadu Arte no Kultura (SEAK) apoiu orsamentu ho montante $100.000,00 hodi konstrui uma-lisan 27 iha territóriu laran.

Notísia relevante :Governu apoiu $100.000,00 ba konstrusaun Uma-lulik

 

Jornalista : Nelia Fernandes
Editór        : Rafy Belo

iklan
iklan

Leave a Reply

iklan
error: Content is protected !!