Timor Aid: proteje patrimóniu kulturál, TL presiza muzeu salvaguarda tais

DILI, 14 outubru 2022 (TATOLI)—Fundadora Timor Aid, Ceú Lopes, husu ba Governu atu proteje patrimómiu kulturál immaterial presiza espasu ka muzeu ida atu salvaguarda tais.
Notísia Relevante: PN aprova votu kongratulasaun ba “tais” sai patrimóniu mundiál
Fundadora ne’e fó-hanoin katak organizasaun Nasaun Unida nian Edukasaun no Sientífiku ka United Nations, Cientific and Cultural Organization (UNESCO) rekuiñese ona tais hanesan patrimóniu kulturál no imateriál mundiál.
“Agora laiha espasu espesífiku atu proteje ita-nia patrimóniu kulturál, tanba ne’e ita presiza muzeu ida atu salvaguarda tais. Ami hakarak Ezekutivu fó espasu ida atu proteje ami-nia identidade,” informa líder iha Arkivu no Muzeu Rezisténsia Timorense (AMRT) iha Dili.
Ceú Lopes temi kona-ba nesesidade atu halo tais iha muzeu ida atu asegura seguransa no proteje tais ne’e.
“Hahú iha tinan 2020, ami hahú rekolla tais tanba ami tenke identifika. Tan ne’e mak ami serbisu hamutuk ho peritu balun, antropolojista sira no fundadór sira seluk huoi Muzeu Estranjeiru atu hatudu orijen ida-ne’e. Ami halo ona planu atu halo fábrika 300 iha territóriu ne’e,” nia dehan.
Tuir nia, Governu iha responsabilidade atu kria lei hodi salvaguarda tais no promove tais, aleinde ne’e charge daffaires hosi Embaixada Estadu Unidu Amérika iha Timor-Leste, Thomas Daley, sente orgullu hodi apoia formasaun feto sira-nian atu prodús tais hodi sustenta ekonomia família.
“Importante atu salvaguarda no promove sustentabilidade tais nian iha Timor-Leste. Ajénsia Estadu Unidu ba dezenvolvimentu Estadu Unidus Amérika nian serbisu atu garante ida-ne’e,” Ceú dehan.
Governu aprova ona, iha fulan-marsu tinan 2022, loron 14 fulan-dezembru, hanesan loron Nasionál tais nian no UNESCO fó sai ona pedidu Timor-Leste nian kona-ba nomeasaun ba fabriku tradisionál sira hanesan patrimóniu kulturál no materiál ne’ebé urjente atu salvaguarda.
Notísia Relevante: Governu deside 14 dezembru nu’udar loron nasionál Tais
Jornalista : Osória Marques
Editór : Cancio Ximenes

