DILI, 08 novembru 2022 (TATOLI)—Diretora Sektretariadu Tékniku Programa Nasionál Dezenvolvimentu Suku (PNDS), Claudinha Soares Pinto, hateten konstrusaun Uma Kbiit Laek (UKL) 2021 nian ne’e hela suku haat mak seidauk finaliza.
Notísia Relevante: Konstrusaun Uma Kbiit Laek 2021 atinje ona ba 94%
“Ba konstrusaun UKL 2021 nian ne’e, ita hela suku haat mak seidauk finaliza tanba foin mak iha faze konstrusaun nia-laran. Tanba momentu ne’ebá ita defísil ba dalan hodi transporta materiál konstrusaun, tanba ne’e iha tinan ne’e mak ita foin konstrui maibé restante finaliza hotu ona no hein entrega ba uma-na’in,” Diretora ne’e hateten ba Agência Tatoli, via telefónika, tersa ne’e.
Suku haat ne’ebé konstrusaun UL 2021 seidauk finaliza mak suku Fatumakerek, postu administrativu Laclubar, munisípiu Manatuto, suku soba, postu administrativu Baucau Vila, munisípiu Baucau, suku Wairoke iha Lospalos no Suku Usikai iha munisípiu Covalima nian.
Nia iha esperansa atu konklui konstusaun Uma Kbiit Laek iha tinan ne’e, tanba Governu servisu hamutuk ho ekipa no komunidade iha aldeia no suku sira durante ne’e. Uma 19 maibé uma 10 seluk hahú konstrui no sia seluk mak seidauk book, maibé agora ekipa tékniku PNDS nian implementa
Benefisiáriu ba programa Uma Kbiit Laek (UKL) ne’e hamutuk 1.254 no osan ne’ebé prevee hamutuk miliaun $25 ne’e aloka ba suku 424 no kustu ba kada Uma Kbiit Laek ne’e entre $14.000 no $17.000.
Jornalista : Osoria Marques
Editór : Cancio Ximenes
