iklan

INTERNASIONÁL, DILI

MAE apresia ekipa misaun apoia resensiamentu eleitorál Guiné-Bissau nia susesu

MAE apresia ekipa misaun apoia resensiamentu eleitorál Guiné-Bissau nia susesu

Ministru Administrasaun Estatál, Miguel Pereira de Carvalho. Imajen Tatoli/António Daciparu

DILI, 17 Novembru 2022 (TATOLI)—Ministru Administrasaun Estatál, Miguel dé Carvalho, agradese no apresia ba ekipa misaun apoia resenseamentu eleitorál nia susesu iha misaun bainhira hala’o kna’ar iha Guiné-Bissau.

Notísia Relevante: Ekipa unidade misaun apoiu Guiné-Bissau hahú halo resensiamentu eleitorál

“MAE apresia ekipa misaun apoia resensiamentu eleitorál iha Guiné-Bissau ne’ebé lidere hosi Acilino Manuel Branco nia susesu. Ho apoiu tékniku timoroan sira-nian, Estadu Guiné-Bissau iha baze-dadus foun ida atu hala’o sira-nia eleisaun parlamentár iha fulan-dezembru oin mai, hodi halo rekrutamentu ba tékniku eleitorál sira atu aselera resensiamentu eleitorál,” Miguel de Carvalho, hateten ba jornalista sira, iha Palásiu Prezidensiál, Nicolau Lobato Bairru-Pite, Dili.

Governante ne’e hateten, ekipa misaun ne’e hola ona rotasaun eleitorál atu sai hosi ekipa órgaun eleitorál Guiné-Bissau nian hodi hala’o resensiamentu eleitorál.

Governu Timor-Leste fó orsamentu hamutuk $800,000 hodi apoia eleisaun parlamentár iha Guiné-Bissau.

Ministru ne’e hateten, ekipa misaun apoiu resensiamentu eleitorál nian sei aprezenta rezultadu hosi resensiamentu eleitorál iha sorumutu Konsellu Ministru nian.

“Nune’e, atu hanoin hikas fali katak ekipa misaun apoiu sensu eleitorál kompleta tiha ona ninia serbisu iha Guine-Bissau iha loron 14 fulan-novembru,” nia dehan.

Notísia Relevante: Acelino Manuel Branco nomeadu hanesan xefe misaun apoia resensiamentu eleitorál Guiné-Bissau

Jornalista : Osoria Marques

Editór        : Cancio Ximenes

iklan
iklan

Leave a Reply

iklan
error: Content is protected !!