KUPANG, 11 dezembru 2022 (TATOLI)–Atleta Taekwondo na’in-tolu hosi RAEOA, okupa primeiru-lugar iha aprezentasaun estilu (jurus) poomsae iha klase kadet, seniór no juniór, iha kompetisaun Taekwondo open turnamen eventu Kepala Kejaksaan Tinggi (KAJATI) iha Kupang, Nusa Tenggara Timur (NTT), Indonézia.
Notísia Relevante: Lorensu okupa segundu-lugar iha kompetisaun Taekwondo open turnamen KAJATI Kupang
“Ohin ita-nia atleta, sira na’in-tolu reprezenta Oé-Cusse atu kompete iha aprezentasaun estilu (jurus) poomsae, sira okupa hotu primeiru lugar iha klase tolu mak kategoria klase kadet, klase juniór no klase seniór,” Treinadór Taekwondo RAEOA, Jacob Efi, informa ba Agência Tatoli iha Gedung Olah Raga (GOR) distrtu Kupang, provinsia Nusa Tenggara Timmur (NTT), domingo ne’e.
Treinadór ne’e fó sai kona-ba valór ne’ebé atleta Taekwondo na’in-tolu ne’e hetan mak hanesan atleta Edgar L. Taimenas iha klase kadet mane hetan valór aas liu hamutuk 7,900 hosi totál atleta na’in-lima, atleta Fransisco G. I. Corbafo iha klase juniór mane hetan valór aas liu hamutuk 7,700 hosi atleta na’in-sia (9) no atleta Dircia A. Punef iha klase seniór feto hetan valór aas liu hamutuk 7,650 hosi atleta na’in-lima (5).
Entretantu, tuir tabela klase sira mak hanesan iha klase kadet mane hamutuk atleta na’in-lima (5) mak hanesan Dion Tualaka hosi Lourdes NTT, Cristian Timo hosi TTU A, Pirlo J. Kiak hosi TTU B, Decky Syder Doma Rohi hosi ATC NTT no Edgar L. Taimenas hosi RAEOA mak sai primeiru-lugar.
Iha klase seniór feto hamutuk atleta na’in-sia (9) mak hanesan Fani Bria Serang hosi GOR Taekwondo Belu, Jahra S. Sabrina Ali hosi SMKN 1 Kupang, Natalia Mira Kaho hosi Naikolan ACT Kupang, Jenifer Loe hosi GOR Belu, Saskia Alfrialda hosi Lambada, Mariani Bulan hosi Louder NTT, Febri Areu hosi TTU A, Madalena Cardoso Soares hosi UNPAZ Timor-Leste, Dircia A. Punef hosi RAEOA Timor-Leste no Febriani Sintia Nadia Malo hosi BTC Sumba Barat.
Nune’e mós iha klase juniór mane hamutuk atleta na’in-lima (5) mak hanesan Don S. Luciano DVG hosi KEJATI Kupang, Fian Dully hosi TTU A, Fransisco G.I. Corbafo hosi RAEOA Timor-Leste, Devord Piete Timo hosi PPO Kupang no Ferdy Sau hosi GOR Belu.
Entretantu, tuir kalendáriu ba kompetisaun taekwondo open turnamen eventu KAJATI realiza durante loron tolu, hahú hosi sesta (9/12) to’o domingo (11/12), ne’ebé partisipa iha eventu ne’e hamutuk dozan 32 ho totál atleta na’in 845, no hosi atleta na’in-845 ne’e maiória mane hamutuk 495 no feto-317 inklui Timor-Leste.
Tuir regulamentu ne’ebé fó sai hosi komisaun organizadora eventu KAJATI mak hanesan atleta sira kompete ho kategória pra-kadet A ba idade tinan neen (6) to’o hitu (7), pra-kadet B ba idade ualu (8) to’o sia (9), pra-kadet C ba idade 10 to’o 11, pra-kadet D ba idade 12 to’o 14, nune’e mós seniór no juniór.
Jornalista : Abílio Elo Nini
Editór : Cancio Ximenes
