DILI, 18 janeiru 2023 (TATOLI)—Diretór Jerál Sektretariadu Tékniku Administrasaun Eleitorál (STAE), Acilino Manuel Branco, hateten STAE kontinua garante eleisaun lejislativa ne’e ho kualidade no susesu.
Notísia Relevante: STAE presiza brigada-ofisiál eleitorál rihun 19-resin iha eleisaun parlamentár
“STAE kontinua esforsu ba preparasaun sira-ne’e tenke efeitu to’o loron ruma ba kalendáriu funsiona bele realiza hodi implementa eleisaun parlamentár ne’ebé ho kualker no susesu,” nia dehan ba Agência Tatoli, iha Palásiu Governu, Dili, kuarta ne’e.
Tanba ne’e, nia dehan, atu realiza eleisaun parlamentár ho kualidade presiza partisipa mak tenke la’o tuir prosesu resensiamentu oras ne’e la’o hela.
Iha nivel territóriu nasionál la’o ona maibé keta haluha garante mós sidadaun hotu-hotu nia direitu la’ós iha rai-laran maibé iha rai-li’ur mós, tanba haree katak maluk timoroan sira iha rai-li’ur seidauk halo resensiementu eleitorál no atualizasaun baze dadus tanba ida-ne’e servisu importante.
“Ita presiza atu foka ba resensiamentu iha rai-li’ur, seluk mós haree kona-ba preparasaun lojistika. Ita hotu hatene sasán sira-ne’ebé utiliza ba eleisaun parlamentár ne’e kuaze materiál importadu. Ezemplu tinta hanesan materiál ida-ne’ebé sai hanesan ema hotu-hotu ninia preokupasaun, dala ruma votasaun ne’e haree mídia sosiál katak vota ona maibé fase sai hela no seluk tan. Entaun, tenke presiza kuidadu bele hetan fornesimentu tinta ne’ebé ho kualidade no seguru,” nia esplika.
Materiál tinta ne’e fasil atu hetan iha aspetu eleitorál ne’e, iha país ida ka rua mak prodús tinta ne’e ninia regra aprozionamentu rigorozu tebes.
Tanba ne’e, Governu parseria hamutuk ho nia parseriu sira halo ninia prosesu akizisaun ba iha fornesimentu tinta hodi tau osan ho tinta ida kualidade, tuir padraun internasionál ho 35% nune’e bele metin kleur iha liman-fuan.
Jornalista : Osoria Marques
Editór : Cancio Ximenes
