DILI, 22 maiu 2024 (TATOLI)–Servisu Edukasaun munisípiu Ainaro simu ona osan konsensaun eskolár maibé ba eskola pre-eskolár.
“Ita-nia munisípiu Ainaro aloka ona $9.660 ba eskola pre-eskolár hamutuk 18, enkuantu eskola ensinu báziku, ensinu sekundáriu jerál no ensinu tékniku vokasionál hein semana oin,” Diretór Servisu Edukasaun munisípiu Ainaro, Patrício da Cruz, informa ba Agência Tatoli, via telefónika, kuarta ne’e.
Relasiona ho Servisu Edukasaun munisípiu Liquiçá seidauk simu osan konsensaun eskolár to’o agora tanba hein hela parte nasionál halo sensibilizasaun no formasaun kona-ba manuál konsensaun eskolár.
“Eskola sira halo ona mandatóriu maibé hein nasionál halo sensibilizasaun manual lai,” nia akresenta.
Notísia relevante : Eskola 70% mak hetan ona fundu konsesaun eskolár
Totál eskola ensinu pre-eskolár hamutuk 43 iha estudante 2.318 kompostu husi feto 1.129 no mane 1.189, ensinu báziku 57 iha estudante 19.420 kompostu husi feto 9.363 no mane 10.057, ensinu sekundáriu jerál hitu iha estudante 4.010 kompostu husi feto 2.199 no mane 1.811 no ikus liu ensinu tékniku vokasionál rua iha estudante 510 kompostu husi feto 259 no mane 251.
“Ita-nia estudante husi nível eskolaridade iha Liquiçá nian hamutuk 26.258, kompostu husi feto 12.950 no mane 13.308,” nia tenik.
Jornalista : Osória Marques
Editora : Julia Chatarina
