SAÚDE

HNGV planeia sei sosa jeradór iha 2025 hodi garante funsionamentu ahi

HNGV planeia sei sosa jeradór iha 2025 hodi garante funsionamentu ahi

Jeradór ne'ebé funsiona iha Hospital Nasionál Guido Valadares, tersa (02/04). Imajen Tatoli/Francisco Sony

DILI, 22 Maiu 2024 (TATOLI)–Diretora Servisu Administrasaun Finansa no Lojístika, Sara Maria Xavier, hateten Hospitál Nasionál Guido Valadares (HNGV) tau ona planu atu sosa jeradór ho kapasidade boot hodi fó resposta alternativa ba eletrisidade mate-lakan iha ospitál ne’e.

Notísia Relevante:  Eletrisidade mate iha HNGV la fó impaktu ba pasiente sira

Nia hateten, NGV esforsu halo back up, bainhira eletrisidade mate ne’ebé daudaun ne’e jeradór ne’ebé iha ne’e ho kapasidade kiik mak iha 250 KWH, entaun labele kobre hotu HNGV tomak.

“Iha 2025 ne’e ami tau ona planu atu sosa jeradór kapasidade boot ho 1200 KWH. Ita iha jeradór kapasidade iha 250 KWH ne’ebé labele kobre hotu ba HNGV tomak, tanba enerjia ne’ebé kobre ba iha HNGV tomak ne’e 800 KWH,” Diretora Sara Maria Xavier hateten ba jornalista sira liuhosi konferénsia imprensa, iha Kampung Alor, kuarta ne’e.

Atualmente, HNGV fornese jeradór iha sala enfermaria hanesan sala sirurjia, hemodialize ka fase ran no Unidade Kuidadu Intensivu (ICU).

J’eradór balun iha HNGV avaria, maibé labele hadi’a tanba sei rezolve problema ahi mate-lakan tanba jeradór sira antigu ona ne’e sei lakon osan ba ninia reparasaun.

Iha fatin hanesan, Diretór Servisu Apoiu Diagnostiku no Terapeutiku iha Hospital Nasionál Guido Valadares (HNGV), Vidal de Jesus, reforsa HNGV labele kompra jeradór foun ida iha tinan ida-ne’e, tanba antes ne’e alokamentu orsamentu ba OJE 2024 laiha, entaun tau hela ba planu tinan 2025 nian.

“Ami tau proposta orsamentu ne’e aprovadu ona, ne’eduni ami laiha planu atu sosa foun iha 2024. Ami identifika ona lakuna sira -ne’e katak presiza jeradór ho kapasidade boot. Ami tau ona iha planu 2025 nian hodi kobre area HNGV nian, bainhira ahi EDTL falla,” Vidal de Jesus, hateten.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!