EKONOMIA, OÉ-CUSSE (RAEOA)

SEKoop parabeniza ezisténsia kooperativa CU Enklave ba tinan 22 iha Oé-Cusse

SEKoop parabeniza ezisténsia kooperativa CU Enklave ba tinan 22 iha Oé-Cusse

Sekretáriu Estadu Kooperativa (SEKOOP), Arsénio Pereira da Silva fó pose ba dirijenti no estrutura Federasaun nasionál kréditu ho naran “Kréditu Uniaun Leno dalan Timor-Leste”, iha Hotel Timor, segunda (05/02). Imajen Tatoli/Egas Cristovão

OÉ-CUSSE 24 maiu 2024 (TATOLI) – Sekretáriu Estadu Kooperativa (SEKoop), Arsénio Pereira da Silva, parabeniza azisténsia Kooperativa Kréditu Uniaun (CU) Enklave ba tinan 22 iha Rejiaun Administrativa Espsiál Oé-Cusse Ambeno (RAEOA).

Governante ne’e, hato’o nia sentimentu ksolok ne’e, iha ámbitu asembleia jerál kooperativa CU ba dala-XIII períodu 2019 to’o 2023 ho tema ‘promove transparánsia ho dijitalizasaun liuhusi rai no impresta osan ho dixipliña’ realiza iha otél Ambeno, Oé-Cusse, sesta ne’e.

Notísia relevante:Kooperativa CU Oé-Cusse realiza asembleia jerál promove transparánsia ho dijitalizasaun

“Ha’u hakarak fó parabéns ba CU Enklave Oé-Cusse, susesu ba asembleia jerál anuál ne’ebé halo ona ba dala XIII, ohin hamrik iha ne’e ba tinan 22 ona husu nafatin, hamutuk ho estrutura sira, bele mantein nafatin unidade nune’e bele lori CU ne’e ba oin no ikus ita-bele hetan benefisíu hodi priénse ita-nia ekonómia sai familiar,” diskursu Arsénio Pereira da Silva, iha otél Ambeno.

Iha biban ne’e, nia rekomenda ba kooperativa CU Enklave atu hato’o proposta, nune’e bele hetan formasaun husi SEKoop kona-bá  finánseiru, Training off Training (TOT), kapasitasaun rekursu umanu inklui halo estudu komparativu iha estranjeiru liu-liu kona-bá dijitalizasaun.

Governante ne’e, fó sai , foin lalais ne’e SEKoop selebra ona akordu ofisiál, MoU ho banku sentrál alvu formasaun kona-bá literásia finanseira, liu-liu dijitalizasaun tanba agora tama ona iha era dijitál, entaun ba oin persiza mós fasilita formasaun.

“Ha’u hanoin ida-ne’e mós tama ona iha programa Governu nian liuhusi SEKoop, sei fasilita treinamentu kona-bá ida-ne’e, serbisu hamutuk ho banku sentrál, ho objetivu atu eleva ita-nai dezenvolvimentu ba jestaun, nune’e bele dezenvolve di’akliu tán ita-nia setór kooperativa sira,” nia katak.

Notísia relevante:SEKoop no parseiru dezenvolvimentu armoniza kooperasaun apoia grupu kooperativa

Reprezentante, Prezidente Autoridade RAEOA, Andre La’o, atuál Sekretáriu Rejionál ba Asuntu Administrasaun, agradese tanba kooperativa CU Enklave hamrik desde 2002 to’o ohin, bele kontribui ona ba dezenvolvimentu iha Oé-Cusse ba setór ekonómia.

“Ha’u husu de’it ita bo’ot sira-nia kooperasaun no atu hamosu unidade, atu alkansa objetivu tanba polítika ne’e hanesan kriasaun ekonómia husi baze, tanba kooperativa moris mai husi ema, la’os mai husi osan, no husu tenki ba oin nafatin, tanba kriasaun kooperativa ne’e hanesan modalidade ekonómia morsi povu nian, ajuda Governu hanesan parsériu dezenvolvimentu, ne’ebé tau importánsia programa ne’e, tanba liuhusu kooperativa bele hamoris setór privada barak iha Oé-Cusse,” nia orgullu

Vice-Koordenadór ZEEDOA, Ercolanu de Souza,  enkoraja membru no grupu sira husi kooperativa CU Enklave, atu promove unidade transparánsia nu’udar save Espiritu atu ba oin nafatin.

“Iha nia fó hanoin ba grupu membru CU Enklave, katak osan ne’e nia iha kapasidade atu halibúr maibé nia mos iha forsa atu estraga, ida-ne’e save espiritu ran kooperativa mak ne’e kuandu kotu kooperativa mos mate tanba membru pasiva to’o laiha, entaun nia save mak transparánsia ne’e, kooperativa tau la’o do’ok husi ne’ebé, maibé nia save mak transparánsia, nu’udar membru iha direitu atu hatene no estrutura iha obrigasaun atu fornese informasaun ho loos no kredivél ba membru sira hotu, ida-ne’e mak transparánsia, ne’e mak save atu ba oin,”.

Entretantu, kooperativa CU Enklave hahú moris iha Oé-Cusse iha tinan 2002, no daudaun ne’e akumula ona membru hamutuk 1.484 komposta husi mane 892 no feto 592, membru edukasaun idade seidauk to’o tinan 17, hamutuk 216 komposta husi labarik mane 141 feto 71 no grupu hamutuk 11.

Nune’e mós orsamentu daudaun iha kooperativu CU Enklave hamutuk millaun $2.6, no orsamentu kapitál ba membru sira atu asesu kréditu atu impresta totál hamutuk millaun $1-resin, no orsamentu ba labarik sira husi idade 17 mai kraik tau osan iha kooperativa CU rihun $700-resin.

Notísia relevante:SEKoop observa kooperativa lima iha Oé-Cusse hahú mudansa

Jornalista: Abílio Elo Nini

Editór: Florencio Miranda Ximenes

iklan
iklan

Leave a Reply

iklan
error: Content is protected !!