iklan

INTERNASIONÁL

TL derrota 6-1 kontra Indonézia iha semi-finál AUG 2024

TL derrota 6-1 kontra Indonézia iha semi-finál AUG 2024

Ekipa Timor-Leste la konsege ultrapasa ba finál jogu futeból futsál ASEAN University Games (AUG) bainhira derrota kontra ekipa uma-na'in Indonézia ho eskore 1-6. Imajen/Espesiál.

DILI, 29 juñu 2024 (TATOLI)—Ekipa Timor-Leste la konsege ultrapasa ba finál jogu futeból futsál ASEAN University Games (AUG) bainhira derrota kontra ekipa uma-na’in Indonézia ho eskore 1-6.

Notísia Relevante: AUG 2024: Manán Brunei 11-0, TL sei hasoru Indonézia iha semi-finál

Jogu ba ekipa rua hala’o sábadu lorokraik ne’e iha Surabaya-Indonézia, bainhira jogu la’o Indonézia utiliza kedan nia forsa ne’ebé iha hodi halo falla Timor-Leste nia jogu ikus tenke hela ho derrota.

Husi rezultadu ne’e, Indonézia mak iha direitu absoluta hakur ba finál hodi kontra fali nia adversáriu Malázia.

Nune’e, Timor-Leste tenke hela hodi kontra fali Tailándia hodi hadau-malu terseiru lugár nian, no iha jogu ne’e mak Timor-Leste derrota mak sei hela de’it iha kuartu lugar.

“Ita ohin lakon ona, maibé sei iha oportunidade ba ita. Aban, joga kontra fali Tailándia hodi buka terseiru lugar. Iha jogu ikus ne’e, ita esforsu atu nune’e bele manán,” Sekretariu Jerál Assosiasaun Futsál Timor-Leste (AFTL) Fernando Baptista hateten ba Agência Tatoli liuhusi WhatsApp, sábadu ne’e.

Iha jogu primeiru Timor-Leste kontra Tailándia maibé la konsege gaña vitoria tanba derrota 0-3, maibé iha jogu ba buka terseiru lugár ne’e Timor-Leste tenke esforsu makaas, atu nune’e bele manán.

Ekipa ne’ebé joga iha AUG mai husi estudante sira iha Universidade sira iha nasaun sira ASEAN hanesan Indonézia, Malázia, Thailandia, Filipina, Myanmar, Brune Darusalam, Laos, Vietnam, Kamboja, Singapura no Timor-Leste.

Jornalista : Hortencio Sanchez

Editór       : Cancio Ximenes

iklan
iklan

Leave a Reply

iklan
error: Content is protected !!