iklan

NASIONÁL, INTERNASIONÁL, DESPORTU

Atleta Felisberto rekolla medalla osan-metan iha eventu ASEAN University Games

Atleta Felisberto rekolla medalla osan-metan iha eventu ASEAN University Games

Atleta husi modaliade atletizmu, Felisberto de Deus. Imajen/espesial

DILI, 05 jullu 2024 (TATOLI) – Atleta husi modalidade atletizmu, Felisberto de Deus, antes ne’e kompete iha kilometru 10 maibé okupa de’it iha pozisaun dala-haat iha eventu ASEAN University Games (AUG), ne’ebé realiza iha Surabaya-Indonézia. Maibé ikus ohin kompete iha kilometru lima atleta ran husi Munisipiu Ermera ne’e konsege okupa iha pozisaun dala-tolu ka terseiru lugar.

“Ha’u sente orgullu tanba konsege hatudu duni prestasaun di’ak iha eventu ne’e, maske iha kilometru 10 ha’u okupa de’it kuartu lugar no la hetan medalla, maibé iha kolometru lima ne’e ha’u esforsu ikus okupa duni iha terseiru lugar hodi hetan medalla osan metan ida. Agradese tanba fila la mamuk,” Felisberto hateten ba Agência TATOLI via media sosial WhatsApp, sesta ne’e.

Tanba ne’e, nia husu deskulpa ba povu Timor-Leste hotu ne’ebé durante ne’e hasa’e orasaun no suporta maibé ikus rezultadu la di’ak liu no la aat liu, maibé konsege hasa’e bandeira Timor-Leste iha palku manán nain nian ho nasaun seluk nia bandeira.

Kurida kilometru lima ne’e Felisberto kompete ho nasaun hamutuk neen hanesan, Indonézia, Filipina, Singapura, Kamboja no Timor-Leste rasik. Nune’e kampiaun ba kurida ne’e primeiru no segundu lugar okupa husi Indonézia.

Eventu rejionál ne’e hala’o akomula atleta husi Universidade sira iha nasaun membru ASEAN nian hanesan, Indonézia, Malázia, Sigapura, Thailandia, Vietname, Kamboja, Laos, Myanmar, Filipina, Brunei Darusalam no Timor-Leste.

Iha ne’ebé Timor-Leste reprejenta atleta no ofisiál hamutuk ema na’in 48 mak ba kompete iha eventu ne’e, no atleta sira mai husi Universidade hanesan, UNTL, DIT, UCT, UNITAL no UNPAZ.

Notisia relevante:Eventu AUG: Atleta Felisberto okupa kuartu lugar no Ángela terseiru lugar

Jornalista: Hortencio Sanchez

Editor: Florencio Miranda Ximenes

iklan
iklan

Leave a Reply

iklan
error: Content is protected !!