NINGBO, 29 outobru (TATOLI) – Ningbo Broadcasting Group nu’udar media nasionál ida-ne’ebé kompostu husi rádiu, televizaun, jornál plataforma online inklui sai fatin ba indústria filme hodi prodús filme ho tipu oin nune’e sai foinsa’e sira atu dezenvolve sira-nia talenta ba jornalizmu, teatru no sai autór filme ne’ebé di’ak iha futuru.
Iha ámbitu semináriu media profesionál nasaun ASEAN 2024, Jornalista na’in-21, inkluindu jornalista timoroan na’in haat, iha oportunidade vizita mós Ningbo Broadcasting Group ne’e, ho objetivu atu hatene ninis ezisténsia no servisu durante ne’e.
Diretór Ningbo Broadcasting Group, Li Sum haksolok tebes ho prezensa no vizita iha ámbitu semináriu media profisionál nasaun ASEAN 2024 ne’e.
“Obrigadu no agradese tanba ita-boot sira bele mai vizita ami-nia fatin hodi haree servisu saida mak durante ne’e Ningbo Broadcasting Group halo,” Li Sum hateten iha nia intervensaun bainhira simu jornalista na’in-21, iha Ningbo, tersa ohin.
Diretór ne’e informa, Ningbo Broadcasting Group nu’udar media públiku ne’ebé halo atividade kobertura iha sidade Ningbo.
Ningbo Broadcasting Group iha edifísiu rasik okupa rai 1200 kilometru kudradu iha estúdiu ne’ebé ho kualidade di’ak inklui ho fasilidade modernu tebes.
“Ami mós iha estúdiu ba televizaun, estúdiu ba virtuál, estúdiu ba teatru no estúdiu ba halo filmajen, fasilidade sira ne’ebé ami iha modern,” nia afirma.
Totál reseita ne’ebé mak Ningbo Broadcasting Group hetan kada tinan bele atinji billaun 2.822 RMB (Renminbi).
Entretantu, iha vizita ne’e, jornalista 21 hetan oportunidade ba vizita fatin produsaun jornál Ningbo Broadcasting, televizaun ne’ebé ho fasilidade sira seluk.
Hafoin vizita Ningbo Broadcasting Group Cai Mingdong ho grupu voluntáriu Sira kontinua lori jornalista 21 ba vizita Belun Integration Media Center.
Belun Integration Media Center nu’udar media Públiku iha Ningbo ne’ebé kompostu husi rádiu, televizaun, jornál plataforma online Media ne’e ninia ezisténsia hahú iha 1994 no agora nu’udar Media ne’ebé ho fasilidade modernu iha Ningbo.
Belun Integration Media Center harii iha 1994 no ho rekursu daudaun iha 360.
Hafoin vizita Belun Integration Media jornalista na’in-21 kontinua ba vizita Sentru Transmisaun Direta (Live streaming) Ningbo.
Sentru Live streaming Ningbo nu’udar sentru ba indústria plataforma ba live streaming ida-ne’ebé halo promosaun ba produtu lokál Ningbo nian no produtu vestuáriu sira sentru ida-ne’e ho fasilidade adekuadu no modernu.
Sentru Live streaming Ningbo tinan bele hatama reseita ba Governu billaun 4.1 RMB.
Notísia relevante:Vizita Portu Ningbo no empreza Safewell ho lisaun aprendida sira
Jornalista: Natalino Costa
Editór: Rafael Ximenes de A. Belo
