BOBONARO,11 novembru 2024 (TATOLI) – Sekretáriu Estadu Asuntu Toponímia no Organizasaun Urbana, Germano Santa Brites Dias, deside iha loron-kuarta, 13 fulan-novembru, hamutuk ho ekipa konjunta sei sobu Restaurante Cosete, tanba kazu ne’ebé nai’in ba restaurante aprezenta ba tribunál ekipa SEATOU manán ona iha tribunál judisiál instánsia dahuluk.
Nia haktuir, Tribunál Rekursu mós notifika ona SEATOU mantein desizaun hodi halo prosesu, tanba bazea ba faktu restaurante ne’e okupa espasu públiku metru rua-resin.
Biban ne’e, SEATOU mós agradese ba juiz sira-ne’ebé konsege halo leitura ba kazu ne’e ho didi’ak.
Notisía relevante: Munisípiu Dili notifika ona na’in ba restaurante Cosette hodi hamamuk fatin
“Bainrua dadeer ami halo planu ida atu sobu Restaurante Cosette, andár boot ida iha pertamina Pantai Kelapa, tanba okupa iha trotoár leten,” nia ko’alia iha Salaun Maria-Tapo, munisípiu Bobonaro, segunda ne’e.
Nia dehan, Governu laiha intensaun atu hamate investimentu setór privadu, maibé imvestidór sira mós tenke koopera no konsulta ho Governu ba fatin ne’ebé bele halo negósiu.
“Lei iha atu regula ida-ne’e, lei hateten labele, kuandu la koopera Polísia iha, ne’e ita-nia lei mak ko’alia nune’e,” Germano hateten.
Enkuantu antes ne’e Autoridade Munisípiu Dili notifika ona na’in ba restaurante atu hamutuk fatin.
Notisía relevante: Ekipa téknika MOP hahú sukat restaurante Cossete metru rua husi dalan
Jornalista: Sérgio da Cruz
Editór: Evaristo Soares Martins
